१
Advertisement
पप्पु गुरुङ्ग, दोधारा । कञ्चनपुरको दोधारा चाँदनी नगरपालिकामा लैंगिक हिंसा सम्बन्धी छलफल तथा अन्तरक्रिया संचालन भईरहेको छ् । दोधारा चाँदनी नगरपालिकाको बिभिन्न वडाको टोल, बस्तीमा लैंगिक हिंसा सम्बन्धी छलफल तथा अन्तरक्रिया संचालन भईरहेको दोधारा चाँदनी नगरपालिका कार्यालय महिला तथा वालवालिका शाखाका शाखा प्रमुख डम्मरा लेखकले जानकारी दिनुभएको छ् । उक्त छलफल तथा अन्तरक्रियामा लैगिंक हिंसा कस्ता हुन्छन्, महिला हिंसा बढ्नुको कारणहरु र न्यूनीकरण गर्न सकिन्छ भन्ने विषयमा छलफल गरिएको शाखा प्रमुख डम्मरा लेखकले बताउनुभयो ।
सयुक्त राष्ट्रसंघको महासभाले प्रत्येक वर्ष नोभेम्बर २५ तारिखलाई हिंसा निर्मूल सम्बन्धी अन्तर्राष्ट्रिय दिवसको रुपमा विश्वभर मनाउने निर्णय गरे बमोजिम नोभेम्बर २५ देखि डिसेम्बर १० सम्म नेपालमा पनि लैंगिक हिंसा विरुद्धको १६ दिने अभियान मनाउने भएबमोजिम दोधारा चाँदनी नगरपालिका कार्यालयले गरेको निर्णय अनुसार लैगिंक हिंसा बिरुद्धको १६ दिने अभियानको पहिलो दिन सन्देशमुलक मोटरसाईकल र्याली र १६ दिने लैगिंक हिंसा बिरुद्धको अभियानको दिनहरुमा नगर क्षेत्रको वडाको, टोल बस्तीहरुमा छलफल तथा अन्तरक्रिया कार्यक्रम संचालन गर्ने कार्यक्रम रहेको दोधारा चाँदनी नगरपालिका कार्यालय महिला तथा वालवालिका शाखाका शाखा प्रमुख डम्मरा लेखकले बताउनुभयो ।
‘हामी सबैको प्रतिबद्धता : लैंगिक हिंसा अन्त्यको लागी ऐक्कबद्धता’ नारा सहित वडाको टोल बस्तीमा संचालन भएको लैंगिक हिंसा सम्बन्धी छलफल तथा अन्तरक्रियामा स्थानियबासीहरुको उत्साहजनक उपस्थिती रहेको दोधारा चाँदनी नगरपालिका– २ का वडाध्यक्ष पदम रावलले बताउनुभएको छ् । मुलुकमा संघियता लागु भए संगै महिला नेतृत्वमा पनि उल्लेखिए वृद्धि भएको उनको भनाई छ् । महिला हिंसा हुन नदिन वडा तह सम्म महिला शसक्तिकरणको अभियान सरकारले संचालन गरेको वताउनुभयो ।
लैंगिक हिंसा न्युनीकरणका लागि नितिगत तह देखि कार्यान्वयन तह सम्मका सरोकारवाला निकाय, स्वयम् हिंसा पीडित वर्ग, नागरिक समाज, समाजसेवी एकजुट भएर लाग्नुपर्ने वडाध्यक्ष पदम रावलले बतनाउनुभयो । हिंसा बढ्नुको प्रमुख कारण गरिबी, चेतनाको अभाव, शासन पद्वतिमा भएका कमजोरी भएका कारण हिंसामा घटना बढ्ने गरेको पाइएको कार्यक्रममा बताईएको छ् ।
बलियाले कमजोरलाई हिंसा गर्ने गरेको बताउदै गरिबीको चपेटाबाट नागरिकको जिवनस्तर उकास्न स्थानिय सरकारले बिषेश योजना अघि सार्नुपर्ने तथा सामाजिक क्षेत्रमा क्रियाशिल संघसंस्थाले सचेतना जगाउने र नियमनकारी ठाँउमा बसेकाले कानून कार्यान्वयनमा ईमान्दारिता देखाए हिंसा न्युनिकरण हुने बक्ताहरुले धारणा ब्यक्त गरेका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
