नयाँ खबर
महेन्द्रनगर – महेन्द्रनगरको प्रतिष्ठित विद्यालय मर्निङ ग्लोरी सेकेन्डरीले २०औं बार्षिकोत्सव तथा अभिभाबक दिवस मनाएको छ । आईतबार स्कुलले मायापार्टि प्लेसमा विभिन्न कार्यक्रम गरी भव्यताका साथ बार्षिकोत्सव तथा अभिभाबक दिवस मनाएको हो ।
कार्यक्रमको सभापतित्व स्कूलका सञ्चालक समिति अध्यक्ष केशव बहादुर चन्द रहेका थिए भने प्रमुख अतिथि भीमदत्त नगरपालिकाका नगर प्रमुख पदम बोगटी रहेका थिए ।
विद्यालयका प्रिन्सिपल चुडामणी शर्माले वार्षिक प्रतिवेदन प्रस्तुत गर्दै विद्यालयले हालसम्म हासिल गरेका उपलब्धिहरू, वर्तमान शैक्षिक अवस्था तथा भावी योजनाहरूबारे जानकारी गराएका थिए । कार्यक्रमका प्रमुख अतिथी बोगटीले विद्यार्थीहरूलाई शारीरिक, नैतिक र बौद्धिक रूपमा सक्षम बनाउन शिक्षाको दिगो विकास तथा गुणस्तरिय शिक्षा अति नै आवस्यक रहेको बताए ।
त्यसैगरी विभिन्न संस्थागत, सामुदायिक विद्यालयका प्रधानाध्यापक, प्रतिनिधि, शिक्षक, पत्रकार अतिथि रहेका थिए ।
कार्यक्रममा कक्षागत रुपमा प्रत्येक कक्षामा प्रथम, द्वितीय र तृतीय स्थान प्राप्त गर्ने विद्यार्थीहरूलाई पुरस्कार, प्रमाण पत्र प्रदान गरिएको छ । त्यसैगरी अतिरिक्त क्रियाकलापमा प्रथम द्वितीय र तृतीय स्थान हासिल गर्ने विद्यार्थीहरूलाई पनि पुरस्कार, मेडल र प्रमाण पत्र वितरण गरिएको छ । विद्यार्थीहरूलाई पुरस्कार र प्रमाण पत्र प्रमुख अतिथि, अतिथिबाट प्रदान गरिएको छ ।
कार्यक्रममा विद्यार्थीहरुले विभिन्न जातजाति,धर्म सांस्कृतिक झल्किने नृत्य प्रस्तुत गरेका छन् । कार्यक्रममा अभिभावक, विभिन्न संस्थागत, सामुदायिक विद्यालयका प्रधानाध्यापक, प्रतिनिधि, शिक्षक, पत्रकार अतिथि रहेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
