नयाँ खबर
महेन्द्रनगर – भीमदत्त नगरपालिका १८ले भीजी फिटनेस सेन्टरसित सहकार्य गरी आयोजना गरेको दोस्रो खुला पावर लिफ्टिङ्ग च्याम्पियनशिप २०८२ प्रतियोगितामा गौरव भण्डारी र भुमिका नाथ च्याम्पियन बनेका छन् । उक्त प्रतियोगितामा समग्रमा ५४५ केजी तौल उचालेर गौरव भण्डारी सबैभन्दा बलिष्ठ पुरुष विजेता भएका थिए भने समग्रमा २९७ केजी तौल उचालेर भुमिका नाथ सबैभन्दा बलिष्ठ महिला बिजेता भएकी हुन् ।
मास्टर क्लास भेटरान तर्फ प्रथम राम महरा, द्वितिय पंकज रावल र तृतीय स्थानमा कर्ण शाही विजय भएका छन । माघ १६ र १७ गते सम्पन्न भएको उक्त पावरलिफ्टिङ्ग च्याम्पियनशिपमा पुरुष तर्फ ६६ केजी मुनी, ७४ केजी, ८३ केजी, ८३ प्लस केजी र महिला तर्फ ५७ केजी मूनी, ६३ केजी, ६३ केजी प्लस तौल समूह र मास्टर क्लास अन्तर्गत भारोत्तलन गराइ प्रतिस्पर्धा गराइएको थियो ।
भीमदत्त नगरपालिकाका नगर प्रमुख पदम बोगटीको प्रमुख आतिथ्य र भीनपा १८ का वडा अध्यक्ष रविन्द्र प्रसाद देबकोटाको अध्यक्षतामा कार्यक्रम गरिएको छ । प्रतियोगितामा विभिन्न ४ जिम क्लबका खेलाडीले भाग लिएका छन् ।
च्याम्पियनशिपमा ३० जना खेलाडीहरुले विभिन्न ८ वटा तौल समूहमा सहभागिता जनाए । ५० वर्षमाथिका खेलाडीका लागि मास्टर क्लास भेटरान प्रतियोगिता पनि आयोजना गरिएको छ ।
च्याम्पियनशीप आयोजना गर्ने भीमदत्त नगरपालिका पहिलो स्थानीय तह हो । उक्त च्याम्पियनशिपमा निर्णायक समति(ज्युरी) मेम्बरको रुपमा जीवन गौतम, सुवास उपाध्याय र एनडी पाण्डेय रहेका थिए । च्याम्पियनशिप कार्यक्रम संयोजन तथा संचालन भीनपा १८ का वडा सचिव दिनेश राज भट्टले गरेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
