कञ्चनपुर जिल्लाका समस्याहरुलाई प्राथमिकताका आधारमा समाधान गर्छु : सीडीओ कोइराला

महेन्द्रनगर – कञ्चनपुरका प्रमुख जिल्ला अधिकारी मदन कोईरालाले जिल्लाका समस्याहरुलाई प्राथमिकताका आधारमा समाधान गर्ने बताएका छन् । गृहमन्त्रालय बाट कञ्चनपुर जिल्ला को सिडिओको जिम्मेवारी पाई कञ्चनपुर जिल्लामा आएका सहसचिव कोइरालाले जिल्लामा रुग्ण रहेका विकासका कामहरुबारे चासो लिँदै जिल्लाको शान्ति सुरक्षादेखि नागरिकलाई सेवा प्रवाहमा आएको समस्याहरुलाई समाधान गरिने बताएक हुन् । उहाँ तीन दिन अघिमात्रै जिल्लामा पुगेका उनले आइतबार जिल्लामा क्रियाशील पत्रकारहरुसँग परिचयात्मक कार्यक्रम राखेका हुन ।

दैजी जोगबुडा सडकको निर्माणको ढिलाइबारेमा पत्रकारहरुसँग जानकारी लिएका उनले सीमा सुरक्षा, लागु औषध ओसारपसार र जिल्लाका अन्य विषयमा पनि जानकारी लिएका थिए ।
कञ्चनपुरलाई कर्म थलो नईन आफ्नै गृहनगर सम्झिएर कामकाज गर्ने समेत उनले बताए । सिडियो कोईरालाले समग्र सरोकारवाला निकायसंग छलफल, परिचयात्मक र भेटघाट गरिरहेका छन । उनले यो भन्दा पहिले प्युठान जिल्लाको प्रमुख जिल्ला अधिकारी र विकास अड्डाको जिम्मेवारी सम्हालीसकेको अनुभव रहेको छ ।