महेन्द्रनगर–निजी विद्यालयहरुको संगठन ‘राष्ट्रिय निजी तथा आवासीय विद्यालय एसोसिएसन नेपाल(एनप्याब्सन) सुदूरपश्चिम प्रदेशको अध्यक्षमा बीर बहादुर चन्द(बिबिसी) चयन भएका छन् । शनिबार कञ्चनपुरको महेन्द्रनगरमा सम्पन्न एनप्याब्सन सुदूरपश्चिम प्रदेशको भेलाले चन्दलाई अध्यक्षमा सर्वसम्मत चयन गरीएको हो ।
निर्वाचन समिति संयोजक अधिवक्ता प्रकाश बहादुर पाण्डेयले प्रदेश कार्यसमिति सर्वसम्मत चयन गरिएको जानकारी दिए । उनका अनुसार उपाध्यक्षमा रवि आचार्य र खेमराज भट्ट, सचिवमा युवराज बम, कोषाध्यक्षमा कमला थापा, सहसचिवमा खगेश्वरी बोगटी, सहकोषाध्यक्षमा पुष्करराज पन्त चयन भएका छन् । त्यसैगरी सदस्यहरूमा बलदेव भट्ट, कलाधर चपागाईं, मनीकुमार चौधरी, नृप बहादुर ठकुल्ला, दुर्गा चन्द र खेमा ढकाल सर्वसम्मत चयन भएका छन् ।
एनप्याब्सन सुदूरपश्चिम प्रदेशको अध्यक्षमा चयन भएका बीर बहादुर चन्द(बिबिसी)ले प्रदेशका एनप्याब्सनकर्मीलाई एकताबद्ध गर्दै शैक्षिक सुधारका कार्यक्रम अघि बढाउने प्रतिबद्धता व्यक्त गरेका छन् । उद्घाटन कार्यक्रममा एनप्याब्सनका केन्द्रीय अध्यक्ष सुबास न्यौपाने, वरिष्ठ उपाध्यक्ष श्याम सिंह मौनी, एनप्याब्सन कञ्चनपुरका अध्यक्ष सत्येश बहादुर चन्द लगायतले धारणा राख्दै निजि विद्यालयहरु जतिबेला पनि कोल्याप्स गर्ने षडयन्त्र भईरहेकोले एकताबद्ध भई अगाडि बढ्नुपर्ने बताएका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
