कञ्चनपुर प्रहरी अदालतको फैसला कार्यन्वयन गराउन चुक्यो !

महेन्द्रनगर–जिल्ला प्रहरी कार्यालय कञ्चनपुर अदालतको फैसला कार्यन्वयन गराउन चुकेको देखिएको छ । जिल्ला प्रहरी कार्यालय कञ्चनपुरले आफैले सार्वजनिक गरेको तथ्यांक हर्ने हो भने अदालतको फैसला कार्यन्वयन गराउन चुकेको देखिन्छ । अदालतले विभिन्न मुद्धामा फैसला गरी कार्यन्वयनका लागि प्रहरीलाई जिम्मा दिईएकोमा थोरै मात्रै कार्यन्वयनमा गरेको छ । अदालतबाट गत आर्थिक बर्षमा १ हजार २ सय ६५ जना फरार अभियुक्त खोजी कार्य गर्न जिम्मेवारी सुम्पेकोमा जिल्ला प्रहरी कार्यालय कञ्चनपुरले ४ सय ८७ जना मात्रै खोज्न सफल भएको देखिएको छ ।

यो तथ्यांक २०८०/८१ को भन्दा झण्डै दोब्बर हो । प्रहरी कार्यालय कञ्चनपुरले ०८०/८१ मा १ हजार ३ सय ७ जना पक्राउ गर्नुपर्नेमा २ सय ४५ जनालाई पक्राउ गरी ५१ लाख ३३ हजार ११९ रुपया विगो तथा जरीवाना तिराउन र ७० बर्ष ९ महिना ३ दिन कैद भुक्तान गराउन अदालतलाई सघाएको छ । आर्थिक बर्ष २०८१/०८२ मा पक्राउ गरीएकाबाट एक करोड ४६ हजार ३०९ रुपया विगो असुलउपर गराएको हो भने १ सय ६३ बर्ष २ महिना ११ दिन कैद भुक्तानीका लागि कारागार पठाएको जिल्ला प्रहरी कार्यालय कञ्चनपुरका प्रमुख एसपि खड्क बहादुर खत्रीले जानकारी दिए ।