Day: १७ श्रावण २०८२, शुक्रबार

काठमाडौं – नागरिक उन्मुक्ति पार्टी(नाउपा)मा बुहारीलाई हटाएर ससुरा अध्यक्ष बनेका छन् । नाउपामा अध्यक्ष रञ्जिता श्रेष्ठलाई हटाएर लालविर चौधरी अध्यष बनेका हुन् । अध्यक्ष रञ्जिता श्रेष्ठसँग असन्तुष्ट पक्षले बिहीबार आयोजना गरेको राष्ट्रिय भेलाले श्रेष्ठलाई अध्यक्ष पदबाट हटाउँदै पार्टीका संरक्षक रेशम चौधरीका बुबा एवं सांसद लालवीर चौधरीलाई सर्वसम्मतिले नयाँ अध्यक्ष चयन गरेको छ । भेलापछि आयोजित पत्रकार सम्मेलनमा बोल्दै नवनिर्वाचित अध्यक्ष चौधरीले पार्टीलाई विधि र पद्धतिमा चलाउन आफूहरूले यो कदम चाल्न बाध्य भएको बताए। ‘पार्टीको अवस्था र परिस्थितिले गर्दा हामीले यो निकास खोजेका हौँ,’ उनले भने, ‘डेढ वर्षदेखि बैठक नडाकेकाले पार्टी अनिर्णयको बन्दी बनेको थियो। रुपन्देहीमा उपनिर्वाचन आइसकेको अवस्थामा उम्मेदवारी दिने प्रक्रिया अघि बढाउन पनि यो निर्णय आवश्यक थियो।’ उपस्थित एक नेताले बहुमत केन्द्रीय सदस्यल...