Day: ७ फाल्गुन २०८१, बुधबार

महेन्द्रनगर–कञ्चनपुरको भीमदत्त नगरपालिका वडा नं. १५स्थित लक्ष्मी मावि खैरभट्टीमा श्रीमद्भागवत सप्ताह ज्ञान महायज्ञ तथा धार्मिक ज्ञान विज्ञान महोत्सव लाग्ने भएको छ । विद्यालयको सर्वाङ्गिण विकाशको लागि बिहिबारदेखि श्रीमद्भागवत सप्ताह ज्ञान महायज्ञ तथा धार्मिक ज्ञान विज्ञान महोत्सवको आयोजना गरिएको महायज्ञ मूल आयोजक समिति संयोजक विरेन्द्र सिंह साँउदले बताउनुभयो । बुधबार पत्रकार सम्मेलको आयोजन गर्दै विद्यालय व्यवस्थापन समिति अध्यक्ष समेत रहेका साँउदले विद्यालयको भौतिक पुर्वाधार, संस्थागत विकास देखि विद्यालयमा छात्रावास निर्माण गर्न र न्यून आय श्रोत भएका तथा अब्बल विद्यार्थीलाई छात्रबृत्ति प्रदान गर्नका लागि अक्षयकोष स्थापना गर्न सहयोग पु¥याउने उद्धेश्यका साथ महायज्ञको आयोजना गरिएको बताउनुभयो । महायज्ञले समाजमा एकआपसमा सद्धभाव, मित्रता र भाईचारा सम्बन्ध कायम गर्न सहयोग पुग्ने मुल आयोजक समिति सं...

महेन्द्रनगर - कञ्चनपुरमा जंगली हात्ती मृत फेला परेको छ । जिल्लाको लालझाडी गाउँपालिकाको वडा नम्बर ४ मा बुधबार बिहान ७बजेतिर एक जङ्गली हात्ती मृत अवस्थामा फेला परेको हो । जाई र पर्सिया गाउँको बीचमा रहेको सडक किनारमा हात्ती मृत अवस्थामा देखेपछि स्थानीय बासिन्दाले प्रहरी र वन कार्यालयलाई खबर गरेका थिए । डिभिजन वन कार्यालय कञ्चनपुरका प्रमुख वरिष्ठ डिभिजन वन अधिकृत राम बिचारी ठाकुरले घटनाको पुष्टि गरेका गरेका छन् । हात्तीको मृत्युबारे अध्ययन गर्न प्राविधिक टोली घटनास्थलमा पठाइएको अधिकृत ठाकुरले जानकारी दिनुभयो । गत असोजदेखि जङ्गली हात्तीको समूहले लालझाडी क्षेत्रमा मानव बस्ती, भौतिक संरचना तथा अन्नबालीमा क्षति पु¥याउँदै आएको छ । हात्तीको आक्रमणका कारण स्थानीय बासिन्दा ५ महिनायता त्रासमा रहेका बेला एक जङ्गली हात्ती मृत फेला परेपछि थप त्रासको वातावरण सिर्जना भएको छ ।...