लक्ष्मी मावि खैरभट्टीमा श्रीमद्भागवत सप्ताह ज्ञान महायज्ञ तथा धार्मिक ज्ञान विज्ञान महोत्सव लाग्दै

महेन्द्रनगर–कञ्चनपुरको भीमदत्त नगरपालिका वडा नं. १५स्थित लक्ष्मी मावि खैरभट्टीमा श्रीमद्भागवत सप्ताह ज्ञान महायज्ञ तथा धार्मिक ज्ञान विज्ञान महोत्सव लाग्ने भएको छ । विद्यालयको सर्वाङ्गिण विकाशको लागि बिहिबारदेखि श्रीमद्भागवत सप्ताह ज्ञान महायज्ञ तथा धार्मिक ज्ञान विज्ञान महोत्सवको आयोजना गरिएको महायज्ञ मूल आयोजक समिति संयोजक विरेन्द्र सिंह साँउदले बताउनुभयो ।
बुधबार पत्रकार सम्मेलको आयोजन गर्दै विद्यालय व्यवस्थापन समिति अध्यक्ष समेत रहेका साँउदले विद्यालयको भौतिक पुर्वाधार, संस्थागत विकास देखि विद्यालयमा छात्रावास निर्माण गर्न र न्यून आय श्रोत भएका तथा अब्बल विद्यार्थीलाई छात्रबृत्ति प्रदान गर्नका लागि अक्षयकोष स्थापना गर्न सहयोग पु¥याउने उद्धेश्यका साथ महायज्ञको आयोजना गरिएको बताउनुभयो । महायज्ञले समाजमा एकआपसमा सद्धभाव, मित्रता र भाईचारा सम्बन्ध कायम गर्न सहयोग पुग्ने मुल आयोजक समिति संयोजक साउदले बताउनुभयो ।

अक्षयकोषको लागि सूरमा विद्यालयका स्टाफहरु नै मिलेर सुरुवात गर्ने विद्यालयका प्रधानाध्यापक प्रकाश बहादुर चन्दले बताउनुभयो । विद्यालयको समग्र विकासका लागि महोत्सवको आयोजना गरीएको उहाँले बताउनुभयो । प्रअ चन्दले विद्यालयको पठन पाठन प्रभावित नहुने गरेर शैक्षिक ज्ञान विज्ञान महोत्सव संचालन गरीएको बताउनुभयो ।

विश्व हिन्दु महासंघका केन्द्रीय सदस्य गोबिन्द नाथ(महाराज)ले विद्यालयको खस्किदोक्रममा रहेको विद्यालयको शैक्षिक गुणस्तरलाई कसरी माथि उकास्न सकिन्छ भनेर विद्यालयसंग समन्वय गरेर महायज्ञको आयोजना गरिएको बताउनुभयो । उहाले महायज्ञमा हुने कार्यक्रमको सम्पूर्ण क्रियाकलापको बारेमा जानकारी दिनुभयो । विद्यालयको बृद्धि विकासका लागि आयोजना गरिएको महोत्सव सफल पार्न त्यहाका स्थानीय कम्मरकसेर लागि परेका छन् ।

कलश शोभा यात्रा फागुन ८ गते विहान ८ बजे, समुद्घाटन फागुन ८ गते दिउसो १२ बजे, प्रत्येक दिन कथा बाचन विहान ११ बजेदेखि ४ बजेसम्म, आरती प्रत्येक दिन साढे ४ बजे, योग विज्ञान शिविर प्रत्य्क दिन साँझ ५ बजे मुलपाठ प्रात ७ बजेदेखि ११ बजेसम्म र एक हजार आठ शालीग्राम दर्शन तथा प्रदक्षिणा प्रत्येक दिन प्रापत ७ बजेदेखि साझ ७ बजेसम्म, विद्यार्थीहरुको कला प्रदर्शन प्रत्येक दिन विहान १०देखि ११ बजेसम्म र साँझ ७ बजेदेखि १० बजेसम्म अन्तराष्ट्रिय कलाकारहरुबाट कला प्रदर्शन गरिने कार्यक्रम तालिका रहेको छ । महोत्सवमा विश्वहिन्दु महासंघ अन्तराष्ट्रिय प्रभारी हरीशरण महाराज सहितका बक्ताले प्रवचन दिने आयोजकले जानकारी दिएको छ । महोत्सव ७ दिनसम्म संचालन हुनेछ ।