नयाँ खबर
महेन्द्रनगर – होली फेम्ली राष्टिय क्रिकेट ‘स्कुल लेबल च्याम्पियनसिपको दोस्रो दिन भएको पहिलो खेलमा लिटिल बुद्ध एकेडेमी विजय भएको छ। टस जितेर पहिलो ब्याटिङ गरेको लिटिल बुद्ध एकेडेमीले सत्यवादी सेकेन्डरी स्कुललाई ७१ रनले पराजित गरेको हो।
टस जितेर पहिलो ब्याटिङ गरेको लिटिल बुद्ध एकेडेमीले १४ ओभरमा १४७ रन बनायो । लिटिल बुद्धका शुभम खड्का ५० मनिष ठगुण्डास ४८ रनको योगदान दिए। बलिङतर्फ सत्यवादीका सुवास खड्काले दुई विकेट लिए । जवाबी ब्याटिङमा उत्रिएको सत्यवादी सेकेन्डरी स्कुल १४.२ ओभर मा अलाउट हुँदै ७६ रनमा प्याक भयो। सत्यवादीका लागि निश्चलचन्द ले २७ रन बनाउनु बाहेक अन्यको ब्याटिङ बिर्सन लायक रह्यो ।
दोस्रो खेलमा कञ्चनजंगा बोर्डिङ स्कूलले लिटिल स्टारलाई ४ विकेटले पराजित गरेको छ । पहिले ब्याटिङ गरेको लिटिल स्टारले १४.३ बलमा अलआउट हुँदै ९२ रनको योगफल बनायो । कप्तान सुरज धामीले ५३ रन बनाए । कञ्चनजंगा का सुरज धामी र आशिष चन्दले सामान २/२ विकेट लिए । ९३ रनको लक्ष पछ्याएको कञ्चनजंघा ले १२.२ ओभरको समाप्तिमा ६ विकेटको क्षतिमा लक्ष्य भेटाएको हो । सुशीला शाहले४३ रन बनाए । भने लिटिल स्टारका विज्ञान भट्ट र दिपेश भट्टले सामान ३/३ विकेट लिए पनि जित निकाल्न सकेनन् । आजै भएको
तेस्रो खेलमा महाकाली सेकेन्डरी स्कूलले ४ विकेटले मर्निङ ग्लोरीलाई जितेको छ । टस जितेर पहिले ब्याटिङ गरेको मर्निङ ग्लोरीले ९.३ ओभर खेल्दै सबै विकेट गुमाएर ६९ रन बनाउन सक्यो । मर्निङ्ग ग्लोरी लाई सस्तैमा समेट्न निरज कुँवर, प्रदीप कुँवर, प्रिसियश कुँवर, विवेक उपाध्याले सामान २/२ विकेट लिए । झिनो लक्ष पछ्याएको महाकालीले ९.३ ओभरमै ६ विकेट गुमाएर भेटाएको छ ।
च्यामियनशिपमा १६ विद्यालयको सहभागिता रहेका छन् । प्रतियोगितामा च्याम्पियन बन्ने टिम कञ्चनपुरको प्रतिनिधित्व गर्दै सुप स्तरीय क्रिकेट प्रतियोगिता खेल्नेछ । प्रतियोगिता असार ३ गते समापन हुनेछ । १६ टीमलाई ४ समूहमा विभाजन गरी प्रतिस्पर्धा गराउँदै छ । चार टिमका विजेताले सेमीफाइनल खेल्ने छन् ।
सेमी फाइनल नक आउट प्रणालीमा खेलाइने आयोजकले जनाएको छ । सेमिफाइनलमा विजेता दुई टोली बीच उपाधि भिडन्त हुनेछ । यो प्रतियोगिता कञ्चनपुर क्रिकेट संघको आयोजनामा होली फेम्ली इंग्लिश बोर्डिङ स्कूलको खेल मैदानमा सञ्चालन भइरहेको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
