सिद्धबाबा मन्दिर महेन्द्रनगरमा १५औँ विशाल भण्डारा

महेन्द्रनगर–महेन्द्रनगरस्थीत सिद्धबाबा मन्दिरमा १५औँ विशाला भण्डारा लागेको छ । सिद्धनाथ बैजनाथ अन्न क्षेत्र भण्डारा समिति महेन्द्रनगर कञ्चनपुरको आयोजनामा आईतबारदेखि मन्दिरमा १५औँ विशाल भण्डारा लगाईएको हो । पूर्णागिरी माताको दर्शनपछि सिद्धबाबाको दर्शनका लागि मन्दिरमा आउने भक्तजनहरुका लागि निशुल्करुपमा विशाल भण्डारा लगाईएको भण्डारा समिति सदस्य निरज गुप्ताले बताउनुभयो । उहाँले विशाल भण्डारा चैत्र नवरात्रीलाई लक्षीत गरेर लगाईएको बताउनुभयो । ‘पूर्णागिरीको जो यात्री आउछन, पूर्णागिरीबाट सिद्धबाबाको दर्शन गर्नु पर्ने यीनीहरुको आस्था छ, भक्तजनहरुलाई सहयोग पुग्नेहेतुले भण्डारा लगाईएको हो,’ भण्डारा समिति सदस्य गुप्ताले भन्नुभयो ‘यसमा हामीहरुले श्रद्धालु भक्तजनहरुलाई खानासाना खुवाउछौ, निराहार भक्तजनको लागि प्रसादको पनि व्यवस्था गरेका छौ, यो चैत्र २५ गतेसम्म लगाउछौ ।’ उहाँले महेन्द्रनगरका व्यपारीहरुबाट फण्ड कलेक्सन गरेर भण्डारा लगाउने गरेको बताउनुभयो । ‘महेन्द्रनगरका व्यपारीहरुले आफ्नो मनले जो दियो त्यही हाम्रो फण्ड हो,’ उहाँले भन्नुभयो ‘कुनै पनि व्यपारीसंग करकाप गर्दैनौ ।’

दर्शनार्थिहरुलाई भोजन गराउदा खुसी मिल्ने उहाँले बताउनुभयो । ‘दर्शनार्थिहरुलाई भोजन गराउदा मनमा खुसिमिल्छ,’ गुप्ताले भन्नुभयो ।

विगत १५ बर्षदेखि मन्दिरमा दर्शन गर्न आउने दर्शनार्थीहरुलाई महेन्द्रनगरका व्यबसायी मिलेर भोजन खुवादै आएको आईरहको महेन्द्रनगरका प्रतिष्ठित व्यवसायी अमर नाथले बताउनुभयो । ‘भारतको बिभिन्न ठाउबाट आउने सिद्धबाबाका भक्तजनहरुलाई भोजनको व्यवस्थापन गछौँ,’ उहाँले भन्नुभयो ‘सबै भक्तजनलाई निशुल्करुपमा खाना पानी प्रसादको व्यवस्था गरेका छौ ।’

भारतको उत्तराखण्डमा रहेको शेरा बालीको नामले प्रचलित प्राचिन पूर्णागिरी मन्दिरमा दर्शन गरेपछि सिद्धबाबाको अनिवार्य दर्शन गर्नुपर्ने धार्मिक मान्यता रहीआएकाले पुर्णागिरी माताको दर्शनपछि सिद्धबाबाको दर्शन गर्न महेन्द्रनगरस्थीत सिद्धबाबा मन्दिरसम्म भक्तजन आउने गर्दछन् । मन्दिरमा दैनिक दशौ हजार भक्तजनले सिद्धबाबाको दर्शन गर्ने गरेको छन् ।