नयाँ खबर
महेन्द्रनगर–सुदूरपश्चिम प्रदेशकै अग्रणी तथा प्रतिष्ठित शैक्षिक संस्था रेडियन्ट माविले रजत जयन्ती भव्यताका साथ मनाएको छ । विद्यालयले स्थापना भएको २५ वर्ष पूरा गरेको अवसरमा एक विशेष कार्यक्रमको आयोजना गरी २५ औँ वार्षिकोत्सव तथा रजत जयन्ती भव्य रूपमा मनाएको हो ।
२०५७ सालमा सिद्धनाथ विज्ञान क्याम्पसका १३ जना अनुभवी प्राध्यापक तथा शिक्षाविद्हरूको सक्रिय पहलमा स्थापना गरिएको रेडियन्ट माविले सीमित स्रोतसाधनका बीच १७ जना विद्यार्थीबाट शैक्षिक यात्रा सुरु गरेको थियो । नर्सरीदेखि कक्षा १२ सम्म पढाई गर्दै आएको विद्यालयमा करिब १ हजार ७ सय विद्यार्थी अध्ययनरत छन् । विद्यालयले विगत २५ वर्षको अवधिमा शैक्षिक गुणस्तर, अनुशासन, आधुनिक शिक्षण पद्धति तथा विद्यार्थी केन्द्रित शिक्षण प्रणालीमार्फत सुदूरपश्चिममै आफ्नो अलग पहिचान बनाउन सफल भएको छ ।
कार्यक्रममा रेडियन्ट माविबाट प्लस टु पास गरी यसवर्ष एमविविएसमा नाम निकाल्न सफल विद्यार्थी, एमविविएस डाक्टर, ईन्जिनियर बन्न सफल तथा हाल सरकारी सेवामा कार्यरत पूर्वविद्यार्थीहरुलाई सम्मान गरीएको छ ।
विद्यालयका प्रिन्सिपल त्रिभुवन कुमार भट्टका अनुसार पछिल्ला वर्षहरूमा एसईई तथा कक्षा १२ का परीक्षामा रेडियन्ट माविले निरन्तर उत्कृष्ट नतिजा हासिल गर्दै आएको छ ।
यस वर्षको कक्षा १२ को परीक्षामा समेत विद्यालयले देशभर उत्कृष्ट नतिजा ल्याउन सफल भएको उनले बताए । रेडियन्ट माविबाट अध्ययन पूरा गरेका सयौँ विद्यार्थीहरू आज राष्ट्रिय तथा अन्तर्राष्ट्रिय स्तरका प्रतिष्ठित सरकारी तथा निजी संस्था, शैक्षिक निकाय, बैंक, स्वास्थ्य, इन्जिनियरिङ, सूचना प्रविधि लगायत विभिन्न क्षेत्रमा सफल पेशागत जीवन बिताइरहेका छन् ।
समारोहका अवसरमा शैक्षिक योगदानकर्ताहरूको सम्मान, सांस्कृतिक कार्यक्रम, पूर्व विद्यार्थी सम्मान तथा भविष्यको शैक्षिक योजना सार्वजनिक गर्ने कार्यक्रमसमेत समावेश गरिएको थियो ।
विद्यालय व्यवस्थापन समितिले आगामी दिनमा प्रविधिमैत्री शिक्षण, स्मार्ट कक्षा, अनुसन्धानमुखी शिक्षण, छात्रवृत्ति कार्यक्रम विस्तार तथा उच्च शिक्षाका नयाँ कार्यक्रम सञ्चालन गर्ने योजना अघि सारेको छ ।
२५ औँ वार्षिकोत्सव तथा रजत जयन्ती समारोहमा शिक्षा क्षेत्रका विशिष्ट व्यक्तित्व, स्थानीय जनप्रतिनिधि, अभिभावक, पूर्व विद्यार्थी, शिक्षाविद् तथा विभिन्न सरोकारवाला निकायहरूको उल्लेखनीय उपस्थिति रहेको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
