मुक्ति समाजद्धारा १९औ जातीय भेदभाव तथा छुवाछूत उन्मुलन राष्ट्रिय दिवस मनाईयो

महेन्द्रनगर–कञ्चनपुरमा पनि १९ औं जातीय भेदभाव तथा छुवाछूत उन्मुलन राष्ट्रिय दिवस २०८२ भव्यताका साथ मनाइएको छ । बुधबार मुक्ति समाज कञ्चनपुरको आयोजनामा एमाले पार्टी कार्यालयमा १९औ जातीय भेदभाव तथा छुवाछूत उन्मुलन राष्ट्रिय दिवसको अवसरमा एक अन्तरक्रिया कार्यक्रम गरी मनाईएको हो ।

नेकपा(एमाले) प्रदेश कमिटी उप सचीव एवं मुक्ति समाज नेपाल निवर्तमान केन्द्रिय लेखा आयोग अध्यक्ष नरबहादुर बिश्वकर्माको प्रमुख आतिथ्यमा सम्पन्न कार्यक्रममा मुक्ति समाजका केन्द्रिय स्थायी कमिटी सदस्य कृष्ण सुनार विशिष्ठ अतिथि थिए ।

समाजका केन्द्रिय सदस्य एवं एमाले प्रदेश कमिटी सचिवालय सदस्य लक्ष्मी बिश्वकर्मा, पार्टी प्रदेश कमिटी सचिवालय सदस्य महेश पन्त, मुक्ति समाज केन्द्रिय सदस्य रमेश सिंह तिरुवा, पार्टी जिल्ला उपाध्यक्ष जनकराज अवस्थी, सचिव पल्लबराज भट्ट, उप सचीव अशोक कुमार चन्द, दिलबहादुर सुनार, रामचन्द्र रेग्मी, हिरा लुहार, नन्दसिङ सुनार, सरिता नेपाली, फुल परी, किशोर आग्री, लक्स्मन सुनार, नरबहादुर सुनार, मदन एसके, माया ओड लगायत अतिथि रहेका थिए ।

कार्यक्रमका प्रमुख अतिथि विश्वकर्माले समाजमा कलङ्कको रुपमा रहेको जातिय विभेदलाई समाप्त गर्न बनेका ऐन कानुन, संविधान कार्यान्वयन हुनु पर्ने र सबैले आ–आफ्नो ठाउँबाट विभेद अन्त्य गर्न हातेमालो गर्नु पर्ने बताए ।

‘कानुनमा व्यवस्था भए पनि व्यवहारमा लागु हुन नसक्दा अझैसम्म यो अमानवीय व्यवहार समाजमा रहेको छ’, उनले भने, दलित समुदाय उत्थान र विकासका लागि सामाजिक रुपान्तरण र आर्थिक रुपान्तरण हुनु जरुरी छ, त्यसका लागि सबैले आ–आफ्नो ठाँउबाट विभेद अन्त्य गर्न हातेमालो गर्न जरुरी छ ।’

मुक्ति समाज कञ्चनपुरका कार्यवाहक अध्यक्ष राजेन्द्र आग्रीको अध्यक्षतामा कार्यक्रम गरिएको छ । कार्यक्रमको समन्वय सुनकेश नेपालीले गरिन् । टिकाराम सार्कीले स्वागत मन्तव्य राखेको कार्यक्रममा उल्लेख्य सहभागिता रहेको थियो ।