मण्टेश्वरी स्कूलमा सवा दुई करोड लगानी

महेन्द्रनगर । कञ्चनपुरमा मण्टेश्वरी स्कूलमा सवा दुई करोड लगानी लागेको छ । जिल्लाको भीमदत्त नगरपालिका वडा नंम्बर ४, जानकीटोलमा मदरल्याण्ड मण्टेश्वरी स्कूलमा दुई करोड २५ लाख १५ हजार ५ सय ७ रुपयाँ लगानी गरीएको हो । उक्त स्कूलको शनिबार विदाका दिन भीमदत्त नगरपालिकाका नगर प्रमुख पदम बोगटीले समुद्धघाटन गर्ने स्कूलका संञ्चालनक समेत रहेका एक लगानीकताए प्रेमराज पनेरु(पुष्कर)ले जानकारी दिए ।
उक्त स्कूल गत बर्ष ०८१मा दर्ता गरीएता पनि चालु शैक्षिक सत्र ०८२देखि संचालनमा आएको संचालक पनेरुले बताए । उहाँका अनुसार सवा दुई करोड लगानी गरीएको मण्टेश्वरी स्कूलमा आधुनिक एसि सहित शिशु, बालबालिका विद्यार्थीको अध्ययनका लागि कक्षा कोठा निर्माण गरिएका छन । त्यसैगरी प्रत्यक्षरुपमा ८ शिक्षिका र ४ जना कर्मचारी गरी १२ जनाले रोजगारी प्राप्त गरेका छन् । विद्यालयमा विभिन्न कक्षामा गरी अहिलेसम्म ७५ जना विद्यार्थी भर्ना भईसकेका छन् । विद्यार्थी ओसार्नका लागि छुट्टै यातायात सुविधाको व्यवस्था गरीएको स्कूलले जनाएको छ ।

बालबालिकाहरुलाई मण्टेश्वरीको अवधारणा अनुरुप गुणस्तरिय शिक्षा प्रदान गर्ने मदरल्याण्ड मण्टेश्वरी विद्यालयकी प्रिन्सिपल सरस्वती चन्द(भट्ट)ले बताईन् । प्रिन्सिपल सरस्वतीका अनुसार अग्रेजी माध्यमबाट हाल पुर्व प्राथमिक कक्षा बाल विकास, नर्सरी, एलकेजी, यूकेजी र कक्षा १सम्म मात्रै पठन पाठन हुनेछ ।
मदरल्याण्ड मण्टेश्वरी विद्यालय संचालक समितिका अध्यक्ष नरेन्द्र राज जोशीले शिक्षामा शैक्षिक गुणस्तर बृद्धि गर्दैै दक्ष जनशक्ति उत्पादनका लागि मण्टेश्वरी विद्यालय संचालनमा ल्याएको बताए । अध्यक्ष जोशीले आफ्नै जमिनमा निर्माण भएको आधुनिक एसि जडित भवनमा कक्षा संचालन हुने बताए । उहाँले बालमैत्री अनुरुप कक्षा संचालन गरेर विद्यार्थीलाई भरपुर शिक्षा प्रदान गरिने जनाए । ‘अहिले हामीले यही स्थानमा मण्टेश्वरी कक्षा संचालन गर्नेछौँ, ‘उनले भने, ‘भावि दिनमा माथिल्ला कक्षा संचालन गरे छुट्टै स्थानमा संचालन गछौँ ।’
स्कूलका संचालक प्रेमराज पनेरु(पुष्कर)ले अभिभावकको आवश्यकता अनुरुप विद्यालय संचालन गरेर शैक्षिक गुणस्तर बृद्धि विकासलाई केन्द्रीत गर्ने लक्ष्य राखिएको बताइ ।

कार्यक्रमकी प्रमुख अतिथि समेत रहेकी नेपाल पत्रकार महासंघ कञ्चनपुरकी उपाध्यक्ष धर्मा रोकायाले शैक्षिक गुणस्तरमा कुनै सम्झौता गर्न नहुने बताईन । शनिबार विद्यालयको भीमदत्त नगरका मेयर पदम बोगटीले औपचारिक रुपमा उद्घाटन गर्ने कार्यक्रम रहेको छ ।