बैतडीमा जीप दुर्घटना हुदा तीन जनाको मृत्यु

महेन्द्रनगर–जयपृथ्वी राजमार्गअन्तर्गत बैतडीको पाटन नगरपालिका–८ साडीघाँटीमा भएको जीप दुर्घटनामा तीन जनाको घटनास्थलमै मृत्यु भएको छ भने १५ जनाभन्दा बढी घाइते भएका छन् । जिल्ला प्रहरी कार्यालय बैतडीका प्रमुख प्रहरी नायब उपरीक्षक दिपककुमार रायका अनुसार दुर्घटनामा गम्भीर घाइते भएका ६ जनालाई उपचारका लागि डडेल्धुरा अस्पताल पठाइएको छ ।

घाईतेहरूको पहिचान हालसम्म खुल्न नसकेको प्रहरीले जनाएको छ।
बैतडीको सुर्नया गाउँपालिका–६ मोतिनगरबाट डडेल्धुरा जाँदै गरेको मे १ ज २२४ नम्बरको बोलेरो जीप आज बिहान करिब १० बजे पाटन नगरपालिका–८ साडीघाँटी नजिक दुर्घटनामा परेको हो।
जीपमा २० जनासम्म सवार रहेको प्रारम्भिक जानकारी प्राप्त भएको छ । दुर्घटनाग्रस्त जीप सडकबाट करिब २०० मिटर तल खसेको प्रहरीले जनाएको छ।थप विवरण आउन बाँकी छ।