प्रेस चौतारी नेपाल कञ्चनपुर शाखाका नवनिर्वाचित पदाधिकारी तथा सदस्यको सफथ ग्रहण तथा पदस्थापन कार्यक्रम सम्पन्न

महेन्द्रनगर–प्रेस चौतारी नेपाल कञ्चनपुर शाखाका नवनिर्वाचित पदाधिकारी तथा सदस्यहरुको सफत ग्रहण तथा पदस्थापन कार्यक्रम सम्पन्न भएको छ । बुधबार निर्वाचन समिति संयोजक हरी प्रसाद जोशीको सभाध्यक्षता एवं नेकपा(एमाले)का केन्द्रय सदस्य तथा कञ्चनपुर जिल्ला ईन्चार्ज निरु देवि पालको प्रमुख आतिथ्यतामा प्रेस चौतारी नेपाल कञ्चनपुर शाखाको ८औ जिल्ला अधिबेशनबाट निर्वाचित पदाधारी तथा सदस्यहरुको सफथ ग्रहण तथा पदस्थापन कार्यक्रम सम्पन्न भएको हो ।

कार्यक्रममा नव निर्वाचित पदाधिकारी र सदस्यहरुलाई निर्वाचन अधिकृत राजेन्द्र धामीले सफथ खुवाएका थिए । प्रेस चौतारी नेपालका निवर्तमान अध्यक्ष तथा प्रदेश कोषाध्यक्ष लक्ष्मण दत्त पन्तले नव निर्वाति अध्यक्ष मदन गिरीलाई पदभार हस्तान्तरण गरेका थिए । कार्यक्रममा प्रेस चौतारी नेपालका ंप्रदेश ईन्चार्ज लोकसरी कुवर, नेकपा एमाले जिल्ला अध्यक्ष लक्ष्मी बुढा विशिष्ठ अतिथी रहेका थिए । कार्यक्रममा प्रमुख अतिथि रहेका एमालेका जिल्ला ईन्चार्ज निरुदेवि पालले नव निर्वाचित कार्यसमितिलाई बधाई ज्ञापन गर्दै प्रेस चौतारीमा आवद्ध पत्रकारहरुलाई पार्टीबाट आवश्यक सहयोग गर्ने बताउनुभयो । प्रेस चौतारी नेपालको क्रियाकलापहरु ससक्त ढंगले निर्भाह गर्न र सक्रिय भएर लाग्न प्रदेश ईन्चार्ज लोकसरी कुवले निर्देशन र सल्लाह दिनुभयो । प्रेसचौतारी नेपालका प्रदेश अध्यक्ष नरेन्द्र सिंह कार्कीले नव निर्वाचित कार्यसमितिलाई बधाई दिदै उत्कृष्ट कार्य गर्न सुझाव दिनुभयो ।
प्रेस चौतारी नेपाल कञ्चनपुर जिल्लाको आठौ जिल्ला अधिबेशन फागनु १३ गते सम्पन्न भएको थियो । उक्त अधिबेशनबाट अध्यक्षमा मदन गिरी, उपाध्यक्षमा भुपाल केसी, महिला उपाध्यक्षमा लक्ष्मी सेठि निर्वाचित भएका थिए । त्यसैगरी सचिवमा धन बहादुर बोहरा(डिबि), सह–सचिवमा माधव पौडेल, बिमल विश्वकर्मा र कोषाध्यक्षमा भवानी भट्ट भुवन निर्वाचित भएका थिए । त्यसैगरी सदस्यमा पवन जोशी, सुरेश भट्ट, केशव भट्ट, गणेश जोशी, सन्तोस धानुक र विरेन्द्र बाग निर्वाचित भएका थिए ।
त्यसैगरी कार्यक्रमको संञ्चालन प्रेसचौतारी नेपालका केन्द्रय सदस्य एवं जिल्ला ईन्चार्ज जि भट्टले गरेका थिए । कार्यक्रममा विभिन्न सञ्चार माध्यममा कार्यरत पत्रकारहरुको उपस्थिति रहेको थियो ।