निर्वाचनमा सहभागि दल र उमेदवारहरुले अझै खोलेनन् बैंक खाता

महेन्द्रनगर–कञ्चनपुर जिल्लाका तिनवटा निर्वाचन क्षेत्रमा चुनाव लड्ने राजनितिक पार्टीबाट र स्वतन्त्र उमेदवारले अझै पनि बैंक खाता खोलेका छैनन् । निर्वाचन आचारसंहिता २०८२मा राजनितिक दलबाट र स्वतन्त्ररुपले निर्वाचन लड्ने उमेदवारले छुट्टै बैंक खाता खोलेर निर्वाचन सम्बन्धी सबै खर्च सोहि बैंक खातामार्फत मात्रै गर्नुपर्ने व्यवस्था भएता पनि मनोनय दर्ताको २० दिन वित्दापनि अधिकांस उमेदवारले बैंक खाता खोलेका छैनन् ।
मनोनयदर्ता गराएको आधा महिनाभन्दा बढि वित्दापनि जिल्लामा निर्वाचन लडिरहेका उमेदवारहरुमध्ये अधिकांश उमेदवारले छुट्टै खाता नखोलेको निर्वाचन आचारसंहिता अनुगमन अधिकृत कृष्ण बहादुर धामीले बताए ।
निर्वाचन आचारसंहिता अनुगमन अधिकृत धामीका अनुसार निर्वाचन आचारसंहिता २०८२ मा नयाँ व्यवस्था सुरु गरेको र सबै उमेदवारहरुले छुट्टै खाता खोलेर सोही खाताबाट कारोवार गर्नुपर्ने व्यवस्था रहको छ ।
यदि कुनै उमेदवारले उक्त आचारसंहिता पालना नगरेमा निर्वाचन आयोगले नियमानुसार कारवाहि गर्ने उनले बताए । सबै उमेदवारलाई छिटोभन्दा छिटो खाता खोली सोही खातामार्फत आफ्ना चुनावि कारोवारहरु संचालन गर्न र विलभर्पाई सुरक्षित राख्न निर्वाचन आचारसंहिता अधिकृत कृष्ण बहादुर धामीले अनुरोध गरेका छन् ।

कञ्चनपुर जिल्लमा तिन वटै निर्वाचन क्षेत्रमा गरी ५५ जना चुनावमा होमिएका छन् । निर्वाचन क्षेत्र नं. १ मा १५ जना राजनितिक दलबाट र ४ जना स्वतन्त्र गरी १९ जना चुनावि मैदानमा रहेका छन् । निर्वाचन क्षेत्र नं १मा एक लाख एक हजार ७२४ जना मतदाता रहेका छन् । त्यसैगरी निर्वाचन क्षेत्र नं २ मा पनि स्वतन्त्रससहित १९ जना नै चुनावि दौडमा छन् । भने कूल मतदाता एक लाख नौ हजार ५७४ छन् । त्यसैगरी निर्वाचन क्षेत्र नं. ३मा ३ जना स्वतन्त्र र १४ जना राजनितिक दलबाट गरी १७ जना चुनावि लडिरहेका छन् । यस क्षेत्रमा एक लाख तीन हजार ८७ मतदाता रहेका छन् ।

निर्वाचन आयोगको सहजीकरणमा खुल्ने खाता निर्वाचन अनुगमन अधिकृतहरुको प्रत्यक्ष निगरानीमा रहने बताइएको छ । अस्थायी प्रकृतिका ती खातामा आफ्नो निजी खातामा जस्तो उम्मेदवारहरुको सर्वाधिकार नरहने र निर्वाचन कानून वा आचारसंहिता उल्लंघन गरेको भेटिए अनुगमन अधिकृतहरुले कारोबार रोक्का गरिदिन सक्ने व्यवस्था रहेको छ । आयोगले आफ्नो सिफारिसमा विभिन्न बैंकहरुमा खोलिने खातामा भने आर्थिक सहयोग तथा चन्दा संकलनमा रोक लगाएको छैन ।

निर्वाचन आयोगले देशभर जिल्लाहरुको अवस्था अनुसार प्रति उम्मेदवार २५ देखि ३३ लाख रुपैयाँसम्म खर्च गर्न पाउने सीमा तोकेको छ । निर्वाचन सकिएको ३५ दिनपछि उम्मेदवार र दलहरुले खोलेका त्यस्ता खाता बन्द हुनुपर्ने व्यवस्था छ ।

बैंकहरूले खाताको विवरण भने ६ वर्षसम्म सुरक्षित राख्नुपर्ने र ती खाताहरु राज्यका नियमनकारी निकाय बाहेक अरुले हेर्न नपाउने गरी गोप्यता कायम राख्नु भनी निर्वाचन आयोगले राष्ट्र बैंकमार्फत सबै बैंकहरूलाई परिपत्र गरेको जनाएको छ ।