तिलकपुर–विष्णूमन्दिर सडक गुणस्तरिय नभएको स्थानीयको गुनासो, झरीमै हालियो पिच

महेन्द्रनगर – कञ्चनपुर जिल्लाको भीमदत्त नगरपालिका वडा नं. ३ तिलकपुर–विष्णूमन्दिर सडक मापदण्ड अनुरुप गुणस्तरिय बनाउन स्थानीयले माग गरेका छन् । बिहीबार स्थानीयले बर्षातमा कालोपत्रे गरीरहेको निर्माण कम्पनीलाई ढुलमुले काम गरीरहेको आरोप लगाउदै मापदण्ड अनुरुप गुणस्तरीय बनाउन माग गरेका हुन् । स्थानीयहरुले पानी परीरहेको अवस्थामा अलपत्र राखेको आरोप निर्माण कम्पनीलाई लगाएको छ । स्थानीय शंकर विष्टले आकासबाट पानी परीरहेकै समयमा निर्माण कम्पनीले अलकत्रा राख्दा सडक गुणस्तरहिन भएको बताए । ‘पानी परेकै समयमा मेटेरियल खन्याएर मेटिरियल चिसिएपछि फिजालिएको छ, यसरी सडक निर्माण गर्दा सडकको गुणस्तर कम भएको छ,’ स्थानीय शंकर विष्टले भने, ‘सडक गुणस्तरीय हुनुप¥यो, गुणस्तरहिन बनाएर पटकपटक बजेट सक्नुभन्दा एकै पटक गुणस्तरीय बनाउनुपर्छ, हाम्रो करबाट नै विकासका कार्य गरीने हो ।’

स्थानीय राम बहादुर जप्रेलले बजेट सक्नका लागि कालोपत्रे गर्न नहुने बताए । उनले कालोपत्रे भएको सडक उम्किरहेको बताए । ‘जनताले कालोपत्रे गुणस्तरिय बलियो हुनुपर्छ, भनेका छन, ‘उनले भने, ‘सडक मापदण्ड अनुरुप गुणस्तरिय बन्नुपर्छ ।’ अर्का स्थानीय दान सिह विष्टले पानी परेकै दिन कालोपत्रे गर्दा समस्या भएको बताए । उनले जहाँ जहाँ समस्या देखियो, त्यहाँ त्यहाँ सुधारमा जोडदिएका छन । पुर्व वडाध्यक्ष समेत रहेका जप्रेलले आर्थिक बर्ष सकिने र बर्षातका बेला यसरी राज्यको सम्पत्तिको नास गर्नु नहुने बताए ।
स्थानीय देवकी विष्टले पानीसंग कालोपत्रे नगर्दा राम्रो हुने बताए । निर्माण कम्पनीले पानी लागेकै समयमा सडक निर्माण गरीएकोले घाम लागेपछि मात्र कालोपत्रे गर्न स्थानीय देवकीले सुझाव दिए । स्थानीय सुरेश विष्टले सडक निर्माणको काम सम्पन्न नभएको हुँदा निर्माणका क्रममा देखिएका त्रृटी निर्माण व्यवसायीले हटाउनुपर्ने बताउँदै मापदण्ड अनुसार निर्माणमा सुझाव दिए ।

सडक निर्माणका क्रममा खटिएका मजदुर दिपक सार्कीले बुधबार घाम लागेका बेला कालोपत्रेको काम भईरहेका बेला एक्कासी पानी आएको बताउँदै सडकमा फालिसकेको माल मर्मत मात्रै गरेको बताए । स्थानीयले सडक निर्माणमा अनियमितता भए सम्बन्धीत निकायदेखि अख्तियार कार्यालयमा जाने चेतावनी दिएका छन ।
मनकामना विल्डर्सका संचालक नरेश कुँवरले बर्षातका बेला कालोपत्रे नगरेको दावि गरेका छन । उनले ठेक्का रनिङमै भईरहेको बेला देखिएका त्रृटी पुरा गर्दै मापदण्ड अनुरुप निर्माण भईरहेको बताउदै सडक मापदण्ड अनुसारकै बनाउने बताए । ‘यहाँ सडक निर्माणको विषयलाई लिएर केही स्थानीयले गुनासा राखेका छन, ‘उनले भने, ‘स्थानीयका गुनासा सम्बोधन गर्दै निर्माणको क्रममा भएको हुँदा मापदण्ड अनुरुपै गुणस्तरिय सडक निर्माण गर्छु ।’ आफुले पनि अन्तैबाट प्लान्ट ल्याएको र त्यही प्लान्टमा त्रृटी भएको उनको दावि छ । उनले आफ्नो ससुराली गाँउ भएकाले पनि समाजिक नैतिक रुपमा गुणस्तरीय बनाउनुपर्ने थप जिम्मेबारी भएको बताउदै निर्माणको क्रममा भएका टुत्रिहरु सच्याउदै सडक गुणस्तरीय बनाउने बताए । ‘सडक मापदण्ड अनुरुप गुणस्तरीय बनाउछु यसमा दुई मत छैन्, अझ यो त मेरो ससुराली गाँउको सडक भएकाले थप जिम्मेवारी थपिएको छ,’ उनले भने, ‘म्याद पनि अझै धेरै छ, ढल तथा नालीका ढक्कनदेखि लिएर सबै निर्माण गरीन्छ, यसकालागि सबैले संयम भएर सहयोग गरीदिनुप¥यो ।’