झलारीमा ट्याक्टर र मोटरसाईकल एकआपसमा ठोकिदा एक जनाको मृत्यू

महेन्द्रनगर–कञ्चनपुरमा टयाक्टरसंग मोटरसाईकल आपसमा ठोकिदा एक जनाको ज्यान गएको छ । शुक्रबार साझ ८ बजेको समयमा जिल्लाको शुक्लाफाटा नगरपालिका वडा नं. ५ बनसमितिस्थित पुर्वपश्चिम राजमार्गमा म १ त ९३१ नम्बरको ट्याक्टरसंग सुपप्र ०२००४ प २६८८ नम्बरप्लेटको मोटरसाईक आपसमा ठोकिदा मोटर साईकल चालक शुक्लाफाँटा नगरपालिका ५का ४५ बर्षिय गड्डु बिकको मृत्यू भएको हो । मोटरसाईकल चालक बिकको टाउको र खुट्टामा चोट लागेकामा तत्काल झलारीस्थित टि एण्ड सि अस्पतालमा प्राथमिकि उपचारपछि महाकाली प्रादेशिक अस्पतालमा उपचारको क्रममा ९ बजे मृत्यू भएको जिल्ला प्रहरी कार्यालय कञ्चनपुरले जनाएको छ । मोटरसाईकलमा पछाडी सवार शुक्लाफाँटा नगरपालिका ५ का ४० बर्षिय बिरराम पोखरेल झलारीस्थित टि एण्ड सि अस्पतालमा उपचार भईरहेको छ । उनको अवस्था सामान्य रहेको छ ।
ट्याक्टर चालक लालझाडी गाउपालिका–३ का २६ बर्षिय बिरेन्द्र रानालाई प्रहरीले पक्राउ गरेको छ । दुईटै सवारीसाधन नियन्त्रणमा लिई अनुसन्धान अगाडि बढाईएको जिल्ला प्रहरी कार्यालय कञ्चनपुरका सूचना अधिकारी डिएसपि सागर बोहराले जानकारी दिए ।