१
Advertisement
नयाँ खबर
महेन्द्रनगर – कञ्चनपुर जिल्लाको बेदकोट नगरपालिका–४ बैतडाका २७ वर्षीय नरेश धानुक मृत्यु प्रकरणमा वडा सदस्यसहित चार जना पक्राउ परेका छन् । शुक्रबार राति आफ्नै घरको सुत्ने कोठामा फेसबुक लाइभ गर्दै धानुकले जनप्रतिनिधि र अन्य व्यक्तिहरूको नाम लिएपछि झुण्डिएर आत्महत्या गरेका थिए ।
धानुकले फेसबुक लाइभमै वडा सदस्य अमर बोहरा, भोजराज पन्त, खेम बोहरा र जनक धानुकले आफूलाई नाङ्गै बनाएर कुटपिट गरेको र त्यसकै कारण झुण्डिन बाध्य भएको बताएका थिए ।
परिवारले सोही भिडियोको आधारमा आत्महत्या दुरुत्साहन मुद्दामा किटानी जाहेरी दिएका थिएपछि प्रहरीले चारै जनालाई पक्राउ गरीएको जिल्ला प्रहरी कार्यालय कञ्चनपुरका प्रवक्ता सागर बोहराले जानकारी दिए ।
धानुकको फेसबुक लाइभ भिडियो सामाजिक सञ्जालमा भाइरल बनेको छ । भिडियोमा उनले आफूलाई काँग्रेस नेता तथा वडा सदस्य अमर बोहराले “जेन–जी आन्दोलन“ मा सहभागी भएको भन्दै कुटपिट गरेको र अन्यले समेत टाउकोमा प्रहार गरी अपमान गरेको दाबी गरेका छन् । अन्तिममा उनले “गुडबाई“ भन्दै आत्महत्या गरेका थिए ।
शनिबार धानुकको अन्त्येष्टि गरिएको थियो । मृतककी दिदी हिरा रावलले वडा सदस्य बोहराले मदिरा सेवन गराएर भाइलाई कुटपिट गरेको आरोप लगाइन् । उनले मृतकको परिवारलाई न्याय दिनुपर्ने माग समेत अगाडि सारेकी छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
