उदयदेव बहुउदेश्यीय सहकारी संस्था उत्कृष्ठ करदाताकोरुपमा सम्मानित, दुई करोड १५ लाख २३ हजार १७५ रुपया राजश्व बुझायो

महेन्द्रनगर – कञ्चनपुरमा उदयदेव बहुउदेश्यीय सहकारी संस्था उत्कृष्ठ करदाता घोषित भएको छ । आन्तरिक राजश्व कार्यालय महेन्द्रनगरले आर्थिक बर्ष २०८१/०८२ मा सबैभन्दा बढि कर तिरेको भन्दै उदयदेव बहुउदेश्यीय सहकारी संस्थालाई उत्कृष्ठ करदाता घोषणा गर्दै सम्मान गरेको हो ।
आन्तरिक राजश्व कार्यालय महेन्द्रनगरले सोमबार राष्ट्रिय कर दिवस ०८२कोे अवसरमा औपचारीक कार्यक्रमको आयोजना गरी सहकारी संस्थालाई सम्मानपत्र हस्तान्तरण गरेको छ ।
आन्तरिक राजस्व कार्यालय कञ्चनपुरकोे तथ्याङ्क अनुसार जिल्लाभरीमा ३३ हजार करदातामध्ये गत आर्थिक बर्ष ०८१/०८२मा उदयदेव बहुउदेश्यीय सहकारीले सबैभन्दा बढी कर बुझाएको छ ।
गत आर्थिक बर्षमा उदयदेव सहकारीले सबैभन्दा बढी कर बुझाएकाले उत्कृष्ट सहकारी घोषणा गरी सम्मान गरिएको आन्तरिक राजस्व कार्यालय कञ्चनपुरका निमित्त प्रमुख विजय भुसालले बताए । उनका अनुसार सहकारीले २ करोड, १५ लाख २३ हजार १७५ रुपैया कर बुझाएको छ ।
सहकारीले पारिश्रमिक समाजिक सुरक्षा बाफत १५ लाख ७५ हजार ७६, बैठक भत्ता ९९ हजार ९ सय, व्यक्तिगत एकलौटी तथा प्रालि कर ४६ हजार २ सय ५०, ब्याज कर ७६लाख २९हजार १सय १, लाभान्स कर १८ लाख ३३ हजार २ सय ८, घर बहाल कर १ लाख ५६ हजार ९ सय ६, गत आर्थिक बर्ष ०८१/०८२ को आय कर १ करोड १ लाख ६७ हजार ९ सय ६८ रुपैया कर तिरेको हो ।
कार्यक्रममा प्रमुख अतिथी समेत रहेका निमित्त प्रमुख जिल्ला अधिकारी मोहन जोशीले सहकारीका अध्यक्ष नारा जोशीलाई प्रमाण पत्र पत्र हस्तान्तरण गरेका थिए ।
कञ्चनपुर उद्योग वाणिज्य सघका अध्यक्ष पिताम्बर जोशीले जेनजी आन्दोलनपछि राजनैतिक संक्रमणले करदाता व्यवसायीहरुमा त्रास उत्पन्न भएकाले लगानीको वातावरण सृजना हुन नसकेको बताए ।
उनले राष्ट्रिय पुँजि निर्माणका लागि व्यवसायलाई सुरक्षा प्रदानमा जोडदिएका छन । उदयदेव बहुउदेश्यीय सहकारी संस्थाका अध्यक्ष नारा जोशीले सम्मानले थप समाजिक, आर्थिक क्षेत्रमा सहकारीलाई काम गर्ने जिम्मेबारी बोध गराएको बताईन । उदयदेव सहकारी संस्था लि सुदूरपश्चिममै नमुना कार्य गर्दै आईरहको छ ।
सहकारीको तथ्याङ्क अनुसार संस्थाले विगत २६ वर्षदेखि सुदुरपश्चिममा सहकारी क्षेत्रमा योगदान दिंदै लगानी र निक्षेप संकलन वृद्धिमा निरन्तर प्रगति गर्दै आएको छ । हालसम्म संस्थाका २६ हजार २१८ सदस्य छन् ।
सहकारीले गत आर्थिक वर्षसम्म १ अर्ब ९९ करोड ६५ लाख ३२ हजार ६९४ रुपैयाँ निक्षेप संकलन गरेको छ, जुन अघिल्लो वर्षको तुलनामा १२.१२ प्रतिशतले बढी हो । त्यस्तै, १ अर्ब ६३ करोड ३० लाख १७ हजार ४४८ रुपैयाँ ऋण लगानी गरिएको छ, जसमा ७.४५ प्रतिशत वृद्धि भएको छ ।
गत आर्थिक वर्ष ०८१/०८२ मा सहकारीले २९ करोड ३३ लाख ८१ हजार ६०६ रुपैयाँ नाफा कमाएको थियो । खर्च कटौती तथा कर्जा नोक्सानी व्यवस्थापनपछि ३ करोड ७५ लाख ९२ हजार ११७ रुपैयाँ शुद्ध नाफा आर्जन गरिएको हो। सहकारीले यस अवधिमा २ करोड १५ लाख २३ हजार १७५ रुपैयाँ कर विभिन्न शीर्षकमा भुक्तानी गरेको छ ।
सहकारीले कृषि, व्यवसाय, औद्योगिक र हाउजिङ्ग क्षेत्रमा लगानी गर्दै आएको छ । साथै, ४ हजार ६२० सदस्यको कर्जा बीमा गरेर ३२ लाख ७० हजार ७५० रुपैयाँ क्षतिपूर्ति प्रभावित परिवारलाई उपलब्ध गराएको जनाएको छ ।
चालु आर्थिक वर्ष ०८२/०८३ का लागि सहकारीले ३ खर्ब १ करोड २० लाख १३ हजार ७२६ रुपैयाँको अनुमानित आय–व्यय प्रस्तुत गरेको छ । सहकारीका प्रमुख कार्यकारी अधिकृत गणेश बहादुर चन्दका अनुसार सहकारीले महेन्द्रनगरसहित दोधारा–चाँदनी, दैजी, झलारी, कृष्णपुर, बेलौरी, कैलालीको अत्तरिया, डडेल्धुरा र बैतडीमा शाखा मार्फत कारोबार भइरहेको छ ।
सहकारीले कृषि प्रवद्र्धन केन्द्र, कस्टम हायरिङ सेन्टर, बीउ–बिजन प्रशोधन केन्द्र, राइस मिल सञ्चालन गरेर सेवा प्रवाह गर्दै आएको छ । पछिल्ला बर्षहरुमा सहकारीहरु आर्थिक रुपमा घोटालादेखि बदनाम भईरहेका बेला उदयदेव उत्कृष्ट करदातामा घोषित भएको छ । सहकारीसंस्थाहरुले पनि देश र समाजमा आर्थिक समुन्नत ल्याउन सक्छन भन्ने गतिलो प्रमाणका रुपमा यसलाई लिन सकिन्छ ।