अपि ईन्टरनेशनल पब्लिक स्कूलले पनि मनायो शहिद दिवस

महेन्द्रनगर – कञ्चनपुरको भीमदत्त नगरपालिका वडा नं १० तिलकेनीस्थीत अपि ईन्टरनेशनल पब्लिक स्कूलले पनि शहिद दिवस मनाएको छ । शुक्रबार अपि ईन्टरनेशनल पब्लिक स्कूलमा अध्ययनरत विद्यार्थी, शिक्षक, व्यवस्थापकसहितले महेन्द्रनगर बजारस्थीत महान शहिद दशरथ चन्दको शालिकमा फुलमाला माल्यार्पण गरी शहिद दिवस मनाएका हुन् । अपि ईन्टरनेशनल पब्लिक स्कूलका प्रिन्सिपल राजेन्द्र पाण्डेयले विद्यार्थीहरुलाई शहिदहरुको सम्झनामा शहिदको शालिकमा फुलमाला माल्यार्पण गर्न लगाएर विद्यालयले शहिद दिवस भव्यरुपमा मनाईएको बताए । ‘विद्यार्थीहरुलाई शहिदहरुको शालिकमै ल्याएर प्रत्यक्षरुपमा माल्यार्पण गर्न लगाई स्कूलले शहिद दिवस मनाएको छ, प्रिन्सिपल पाण्डेले भने ।
त्यसैगरी स्कूलका संञ्चालक खगेश्वरी भट्ट बोगटीले विद्यार्थीहरुलाई शहिदहरुको योगदानको बारेमा प्रयोगात्मकरुपमा ज्ञान दिन र देशप्रति मायाप्रेम भाव जगाउनका लागि शहिदको शालिकमा ल्याई माल्यार्पण गर्न लगाईएको बताए । ‘यहा विद्यार्थीहरुलाई ल्याउनुको मुख्य उदेश्य शहिदहरु सम्बन्धी जानकारी र माल्यार्पण गराउन हो,’ उनले भनिन् ‘शहिदहरु कसरी शहिद भए ? उनीहरुको योगदान के रहेछ ? भन्ने कुराहरु प्रयोगात्मकरुपमै बुझाउन र देशप्रति मायाप्रेम भाव जगाउन विद्यार्थीहरुलाई यहा ल्याएका हौ ।’
विद्यार्थीहरुले शहिदहरुको बारेमा कितावमा पढदै आईरहेता पनि प्रत्यक्षरुपमा शालिकमै पहिलो पटक माल्यार्पण गरेको बताउदै शहिदहरको सम्मान सधै गरीरहने र उनीहरुले देशको लागि गरेको त्याग र बलिदान कहिल्यै नविर्सने बताए । भावना कार्कीले शहिदको परिभाषा दिदै उनीहरुको सम्झनाका लागि शहिद दिवस मनाउने गरेको बताईन् । जनता र देशको लागि आफ्नो ज्यानको बलिदान दिने शहिदहरुको शालिकमा फुलमाला लगाएर सर्दाभाव व्यक्त गर्दै शहिद दिवस मनाइएको सृष्टी साउदले बताईन् ।
प्रयोगात्मक शिक्षालाई जोड दिदै आएको अपि ईन्टरनेशनल पब्लिक स्कूलले विद्यार्थीहरुको अभिरुचि अनुसार नै पठनपाठन गर्दै आएको छ ।
त्यसैगरी जिल्ला समन्वय समिति कञ्चनपुर सहितका सरकारी, गैर सरकारी संघ संस्थाहरुको आयोजनामा प्रभातफेरीदेखि रक्तदान, स्वास्थ्य स्कृनिङ्गसम्मका कार्यक्रमहरु गरीएका छन् ।