होली फेम्ली राष्टिय क्रिकेट ‘स्कुल लेबल च्याम्पियनसिप : महेन्द्रनगर मावि साधारण, आयोजक होलीफेम्ली, बात्सल्या र महाकाली सेकेण्डरी स्कूल सेमिफाईनमा भिड्ने

महेन्द्रनगर – होली फेम्ली राष्ट्रिय क्रिकेट ‘स्कुल लेबल च्याम्पियनसिप’ अन्तरगत समुह चरणका खेल सकिदा शनिबार अन्तिम चारमा पुग्ने सबै टिमको टुङ्गो लागेको छ । समुह ‘वि’बाट महेन्द्रनगर मावि(साधारण) र समुह ‘डि’ बाट वात्सल्या विद्या निकेतन सेमिफाईनल प्रवेश गरेका छन् । दुई टोलीको टुङ्गो शुक्रबार नै लागिसेको थियो । शुक्रबार सेमिफाईन पुग्ने टोलीमा समूह ‘ए’ बाट महाकाली सेकेन्डरी स्कुल गुलरिया र समूह ‘सी’ बाट होली फेमिली इङ्लिस मिडियम स्कूल रहेका छन् ।
शनिबार भएको पहिलो खेलमा बात्सल्याले लिटिल स्टारलाई १३८ रनको फराकिलो रन अन्तरले पराजित गरेको छ । टस जितेर पहिलो व्याटिङ्ग गरेको बात्सल्याले निर्धारित १५ ओभरको खेलमा एक सय ९७ रन जोडेको थियो । बात्सल्यका कप्तान हिमाल पत्ले ८ चौका र ४ छक्काको मदतले सतकिय पारी खेलेका छन् । उनले ४६ बलको सामना गरका थिए । त्यसैगरी वात्सल्याका लागि मानव विष्टले ६७ रनको योगदान दिए । बलिङ्गतर्फ लिटिल स्टारका कपिल नाथ, आशिष चन्दले समान १/१ विकेट लिए ।
जवाफि व्यटिङ्ग गरेको लिटिल स्टार १४ ओभरको समाप्तीमा अलआउट हुदै ५९ रनमा प्याक भएको हो । लिटिल स्टारका कप्तानले ३२ रन जोडेपनि जितका लागि प्रयाप्त भएन् । त्यसैगरी बलिङ्गतर्फ हिमाल पन्तले ३, अन्जीत धामी र महेश विष्टले समान २/२ विकेट लिए ।
शनिबारको दोस्रो खेलमा ईन्टरनेशनलले सत्यवादि सेकेण्डरी स्कूललाई १० विकेटले पराजित गरेको छ । टस जितेर पहिलो व्याटिङ्ग रोजेको सत्यवादीले १०.२ ओभरको समाप्तीमा अलओभर हुदै ३२ रनको योगफल तयार पारेको हो । सत्यवादीलाई सस्तैमा समेट्नेक्रममा ईन्टरनेशनलका सत्यम कुवरले ४, विराट सिंहले ३ विकेट लिए ।
झिनो लक्ष्य पछ्याएको ईन्टरनेशनलले २.३ ओभरमै लक्ष्य भेटाएको हो । जित हात पारेपनि रनरेट कम हुदा ईन्टरनेशन सेमिफाईन प्रवेशबाट रोकिएको छ । ईन्टरनेशनलले सत्यवादीलाई १.३ ओभरमा जितेको भए सेमिफाईनल यात्रा तय गर्ने थियो ।
शनिबारको तेस्रो खेलमा बात्यल्यले ज्ञानोदयलाई १० विकेटले हराएको छ । पहिले व्याटिङ्ग गरेको ज्ञानोदयले ८.१ भरमा आफ्ना सवै विकेट गुमाउदै २० रनमा प्याक भयो । वात्सल्यका हिमाल पन्त र धिरेन्द्र विष्टले समान ३/३ विकेट लिए । २० रनको लक्ष्य पाएको बात्सल्यले एक ओभरमै विना विकेटको क्षतिमा लक्ष्य भेटाएको हो ।
सेमिफाईनलका खेल आईतबार नकआउट प्रणालिमा खेलाईनेछ । च्यामियनशिपमा १६ विद्यालयको सहभागिता रहेका छन् । प्रतियोगितामा च्याम्पियन बन्ने टिम कञ्चनपुरको प्रतिनिधित्व गर्दै सुप स्तरीय क्रिकेट प्रतियोगिता खेल्नेछ । प्रतियोगिता असार ३ गते समापन हुनेछ । १६ टीमलाई ४ समूहमा विभाजन गरी प्रतिस्पर्धा गराउँदै छ ।
सेमी फाइनल नक आउट प्रणालीमा खेलाइने आयोजकले जनाएको छ । सेमिफाइनलमा विजेता दुई टोली बीच उपाधि भिडन्त हुनेछ ।
यो प्रतियोगिता कञ्चनपुर क्रिकेट संघको आयोजनामा होली फेम्ली इंग्लिश बोर्डिङ स्कूलको खेल मैदानमा सञ्चालन भइरहेको छ ।