नयाँ खबर
हेमा भट्ट, कञ्चनपुर – कृष्णपुर नगरपालिका–६ स्थित सिंहपुर सामुदायिक वन उपभोक्ता समूहको सभाहलमा थारू रहनसहन, संस्कृतिक नाच तथा थारू परिकार प्रदर्शन कार्यक्रम भव्य रूपमा सम्पन्न भएको छ।
कार्यक्रम थारू कल्याणकारी सभा, जिल्ला कार्य समिति कञ्चनपुरको आयोजनामा र सामाजिक विकास कार्यालयको आर्थिक सहयोग तथा थारू कल्याणकारी सभा कृष्णपुर नगर कार्य समितिको समन्वयमा सम्पन्न भएको हो।
कार्यक्रमका प्रमुख अतिथि प्रदेश सभा सदस्य माननीय गीता चौधरी रहनु भएको थियो भने विशिष्ट अतिथिका रूपमा कृष्णपुर नगर प्रमुख हेमराज ओझा र नगर उप–प्रमुख द्रौपती रानाको उपस्थिति रहेको थियो। साथै, कृष्णपुर नगरपालिकाका सबै ९ वटै वडा अध्यक्षहरू, सामुदायिक वनका अध्यक्षहरू, थारू कल्याणकारी समितिका पदाधिकारी, भलमन्सा लगायतको बाक्लो उपस्थिति रहेको थियो।
कार्यक्रमको सभापतित्व थारू कल्याणकारी जिल्ला कञ्चनपुर अध्यक्ष सानु चौधरीले गर्नुभएको थियो। स्वागत मन्तव्य थारू कल्याणकारी सभा जिल्ला उपाध्यक्ष आशाराम चौधरीले राख्नुभएको थियो भने कार्यक्रम संचालन नगर समिति अध्यक्ष लालबहादुर चौधरीले गर्नुभएको थियो।
कार्यक्रम प्रारम्भमा परम्परागत पहिरन, थारू परिकारहरूको अबलोकन गराइएको थियो। स्थानीय माछा, ढिकरी, घुँघी, पकौडा, बयरको चटनी, धनियाको चटनी, मिसौला जस्ता परिकारहरू प्रदर्शनमा राखिएका थिए। साथै, थारू महिलाहरूको परम्परागत पहिरन—लेहङ्गा, गुनिया, ब्लाउज आदि प्रदर्शित गरिएको थियो। अतिथिहरूलाई फूलमाला र फुन्ना लगाएर भव्य स्वागत गरिएको थियो।
कार्यक्रमका सन्दर्भमा थारू कल्याणकारी सभा कैलालीका डा. फुलराम चौधरीको पनि विशेष चर्चा गरिएको थियो।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
