कञ्चनपुरमा करेन्ट लागेर एक महिलाको मृत्यु
पुजा डगौरा, महेन्द्रनगर - कंचनपुरको बेलौरी ७ पौलाहा मा करेन्ट लागेर एक महिलाको मृत्यु भएको छ। सोमबार बिहान आफ्नै घरमा कपडा सुकाउने क्रममा घरको विद्युत लाइनमा लिकेज भइ करेन्ट लागेर मृत्यु भएको हो। कपडा सुकाउने क्रममा करेन्ट लागेकी २६ वर्षीया महिला हरिना चौधरी लाई उपचारका लागि बेलौरी हेल्थ पोस्ट लगिएको भए पनि चिकित्सकले मृत घोषणा गरेका छन्।
प्रहरीका अनुसार घटना बिहान ८ बजे तिर भएको हो। प्रारम्भिक अनुसन्धानबाट विद्युत् चुहावटका कारण दुर्घटना भएको अनुमान गरिएको छ। घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरका सूचना अधिकारी एवं डिएसपी सागर बोहराले बताउनुभयो।...
