महेन्द्रनगर – महिलामाथि हुने सबै किसिमको विभेद र हिंसाको अन्त्यका लागि निरन्तर संघर्षरत अखिल नेपाल महिला(अनेम) संघ जिल्ला कमिटी, कञ्चनपुरले छाउगोठ उन्मूलन अभियानमा सक्रिय हुन् संगठनमा आवद्ध नेता कार्यकर्तालाई आग्रह गरेको छ । मंगलबार प्रेस विज्ञप्ती जारी गदैँ अनेम संघ कञ्चनपुरले महिलामैत्री वातावरण निर्माणमा योगदान पुयाउन राज्यका सबै निकाय, सरोकारवाला संस्था र नागरिक समाजलाई आग्रहसहित अखिल नेपाल महिला संघसँग आबद्ध जिल्ला भरिका सबै महिला दिदिबहिनीहरुलाई आ–आफ्नो स्थानीय पालिकामा छाउगोठ भत्काउने अभियानमा सक्रिय हुन निर्देशन दिएको हो ।
शनिबार कृष्णपुर नगरपालिका वडा नम्बर १ निगालीका २८ वर्षीय कमला आउजी दमाइको छाउगोठमा सुतिरहेका बेला सर्पदंशबाट ज्यान गएको थियो । महिलाको मौलिक अधिकार सुनिश्चित गर्न र समानतामूलक समाज निर्माण गर्न छाउगोठ जस्ता कुरीति अन्त्य गर्नु अत्यावश्यक भएको उल्लेख गरीएको अनेम संघ कञ्चनपुरकी अध्यक्ष चिनि गिरीद्धारा हस्ताक्षरित विज्ञप्तिमा अगाडि भनिएको छ ‘छाउपडी प्रथा नारीलाई दोस्रो दर्जाको नागरिक बनाउने, महिलाको आत्मसम्मान कुण्ठित गर्ने र जीवन नै जोखिममा पार्ने परम्परा भएको कुप्रथा हो ।’
अखिल नेपाल महिला संघसँग आबद्ध रहनुभएका जिल्ला भरिका सबै महिला दिदिबहिनीहरुलाई आ–आफनो स्थानीय पालिका छाउगोठ भत्काउने अभियानमा सक्रिय हुन निर्देशन गर्दछौं ।’ विज्ञप्तिमा भनिएको छ । साथै अनेम संघले कृष्णपुरको घटनाबाट सचेत हुँदै अब उप्रान्त यस्ता घटना नहुने गरि कामको थालनी गर्न संघीय सरकार, प्रदेश सरकार र स्थानीय सरकार सहित सरोकारवाला सबै निकायहरुको ध्यानाकर्षण गराएको छ ।
नेपाल सरकारले २०७५ सालमा नै छाउपडी प्रथाको अन्त्य गर्न कानूनी रुपमा निषेध गरेको छ । सुदूरपश्चिमको विभिन्न स्थानमा अमानवीय र विभेदकारी प्रथा कायमै छ । असार २८ गते शनिबार राति जिल्लाको कृष्णपुर नगरपालिका वडा नं १ निगाली बस्ने महिलाको छाउगोठमा सुतेको अवस्थामा बिषालु सर्पको टोकाइबाट उपचारकाक्रममा अकाल मैं ज्यान गएको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
