नयाँ खबर
महेन्द्रनगर – कञ्चनपुरको बेलडाँडी गाउँपालिकामा एसईई परीक्षामा ३७ प्रतिशत बिध्यार्थी उत्तीर्ण भएका छन । राष्ट्रिय परीक्षा बोर्डले सार्वजनिक गरेको विवरणअनुसार बेलडाँडी गाउँपालिकाबाट सरकारी तथा निजी गरी ८ विद्यालयका २ सय ९५ विद्यार्थीले एसईई परीक्षा दिएका थिए । तीमध्ये १०९ जना मात्रै उत्तीर्ण भएका छन् । सबैभन्दा धेरै उत्तीर्ण विद्यार्थी सरस्वती माविमा देखिएका छन् । विद्यालयका ४७ जना विद्यार्थी सहभागीमध्ये २७ जना उत्तीर्ण भएका छन् ।
दोस्रो स्थानमा सरस्वती मावि वैवाह रहेको छ । उक्त विद्यालयका ५६ परीक्षार्थीमध्ये २९ जनाले सफलता प्राप्त गरेका छन् । तेस्रो स्थानमा रौलेश्वर मावि परेको छ, जहाँ ५३ विद्यार्थी सहभागीमध्ये १९ जना उत्तीर्ण भएका छन् ।
त्यसैगरी सिद्धनाथ मावि, खैरिघाटका ४६ मा १४ जना उत्तीर्ण छन । गणेश मावि, भुर्षाका ३८ मा ५ उत्तीर्ण भए । बैजनाथ मावि, झिलमिलाका ३५ मा ८ उत्तीर्ण भएका छन । कञ्चन ग्यालेक्सीका १२ मा ३ उत्तीर्ण भएको बेलडाडी गाउँ पालिकाले जनाएको छ ।
मोडेल चाइल्ड केयर बोर्डिङ स्कुलका ८ मा ४ उत्तीर्ण भएका छन ।
गाउँपालिकाका उपाध्यक्ष शान्ती नाथले पालिकाको नतिजा निराशाजनक भएकाले आगामी शैक्षिक सत्रदेखि विद्यार्थीको शैक्षिक स्तर उकास्न विशेष कार्यक्रम सञ्चालन गर्ने तयारी गरेको जानकारी दिनुभयो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
