१
Advertisement
नयाँ खबर
महेन्द्रनगर–कञ्चनपुर जिल्लाको लालझाँडी गाउँपालिकाले बेलौरी नगरपालिका संग मिलेर दमकल खरिद गर्ने भएको छ । बिहिबार बेलौरी नगरपालिकामा लालझाँडी गाउपालिका र बेलौरी नगरपालिकाविच संयुक्त लगानीमा दमकल खरिद गर्ने सम्झौता भएको हो । सम्झौता पत्रका लालझाँडी गाउँपालिका अध्यक्ष निर्मल राना र बेलौरी नगरपालिकाका नगर प्रमुख पोतीलाल चौधरीले हस्ताक्षर गरेका छन् ।
सम्झौता अनुसार दमकल खरिदमा लाग्ने कुल रकमको ३५ प्रतिशत लालझाँडी गाउपालिकाले व्यहोर्ने र बाकि ६५ प्रतिशत खर्च बेलौरी नगरपालिकाले व्यहोर्ने उल्लेख गरीएको छ । दमकल खरिद भएपछि लालझाँडी गाउँपालिकाभित्र आगलागि बाट हुने धनजनको क्षती न्युनिकरण गर्न सहयोग पुग्ने लालझाँडी गाउँपालिका अध्यक्ष निर्मल रानाले बताउनुभयो । ‘आगलागीका ठूला ठूला घट्नाबाट धनजनको क्षति न्यूनीकरणमा मद्दत गर्नमा सहयोग होस् भनी बेलौरी नगरपालिकासंगको संयुक्त लगानीमा दमकल खरिद गर्न लागिएको हो,’ लालझाँडी गाउपालिकाका अध्यक्ष रानाले भन्नुभयो, ‘दमकल दुवै पालिकालाई सहजै पहँच हुनेस्थानमा राख्छौ ।’
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
