महेन्द्रनगर – विपद् जोखिम न्यूनीकरण तथा व्यावस्थापन र जोखिम सञ्चारमा मिडियाको भूमिका सबलीकरण सम्बन्धी पत्रकारहरुका लागि दुई दिने कार्यशाला गोष्ठी सुरु भएको छ । बिहीबार देखि मर्सिकोर र राष्टिय विपद् जोखिम न्यूनीकरण तथा व्यवस्थापन प्रविधिकरण, सुदूरपश्चिम प्रदेश सरकार आन्तरिक मामिला तथा कानुन मन्त्रालयको संयुक्त आयोजना तथा मर्सिकोरको प्राविधिक सहयोगमा धनगढीमा विपद् जोखिम न्यूनिकरण तथा जोखिम सञ्चारमा मिडियाको भूमिका सबलीकरण गोष्ठी कार्यक्रम सुरु भएको हो ।
कार्यशाला उद्धघाटन शत्रका प्रमुख अतिथि रहेका सुदुरपस्चिम प्रदेश आर्थिक मामिला मन्त्री हीरा सार्कीले जोखिम क्षेत्रका बारेमा जोखिम पूर्वानुमान बारेका सूचना समाचार पत्रकारले सम्प्रेषण तथा प्राकासन् गरिदिए विपद् बात हुने क्षति न्यूनीकरण हुने बताउनु भयो । उहाले पत्रकारका प्रकाशन गरेका सूचना तथा समाचारमा स्थानियको विश्वास बढी हुने भएकाले विपद्सम्बन्धी पत्रकारले सत्य र सही सूचना प्रकाशन गर्नु पर्ने बताउनु भयो । ूपत्रकारले प्रबाह गर्ने समाचार सूचनाहरू मा स्थानीयले बढी विश्वास गर्छन् त्यसैले विपद् बाट हुने धनजनको न्यूनीकरणका लागि पत्रकारहरुले सही सूचना प्रकाशन गर्नुपर्छ ू मन्त्री सार्कीले भन्नुभयो ूजोखिम न्यूनीकरण का लागि पत्रकारको तथा मिडियाको महत्वपूर्ण भूमिका हुन्छ , पत्रकारले नै मानिसहरूमा विश्वास भर्न सक्छन् ।”
कार्यक्रमको सभापतित्व राष्टिय विपद् न्यूनीकरण तथा व्यवस्थापन परिषदका सूचना अधिकारी एबम् उपसचिव डिजन भट्टराईको सभापतित्वमा भएको थियो । कार्यक्रमको सञ्चालन दीपक सापकोटाले गर्नु भएको थियो । नेपाल पत्रकार महासंघ सुदूरपश्चिम प्रदेश समितिका अध्यक्ष भरत शाहले विपद् रिपोर्टिङका क्रममा आउने चुनौती र यसको प्रभावकारी समाधानका उपायबारे ध्यान दिनुपर्ने बताउनुभयो । विपद्का समाचार सङ्कलन गर्दा यथार्थपरक, प्रमाणमा आधारित तथा संवेदनशील पत्रकारिताको आवश्यकता रहेको उहाँले उल्लेख गर्नुभयो । तालिमको पहिलो दिन राष्ट्रिय विपद न्यूनिकरण तथा व्यवस्थापन परिषदका सूचना अधिकारी डिजन भट्टराई, राष्ट्रिय विपद न्यूनिकरण तथा व्यवस्थापन परिषदका विज्ञ सदस्य गंगाधर तुलाधर, मौसम पूर्वानुमान महाशाखाका डिएसएम विभुती पोखरेल, विभागको क्षेत्रीय कार्यालय कोहलपुरका सिनियर डिभिजनल हाइड्रोलोजिष्ट राम प्रसाद अवस्थी र आन्तरिक मामिला तथा कानुन मन्त्रालय धनगढीका शाखा अधिकृत दीपेन्द्र सिंह बिष्टले प्रस्तुतीकरण गर्नुभएको थियो ।
तालिममा ३८ जना पत्रकारको सहभागिता रहेको छ । तालिम शुक्रबारसम्म सञ्चालन हुने आयोजकले जानकारी दिएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
