महेन्द्रनगर – भुमि समस्या समाधान आयोग जिल्ला समिति कन्चनपुरले स्थानीयतह हरु संग छलफल गरेको छ । मंगलवार महेन्द्रनगरमा अन्तरक्रिया कार्यक्रमको आयोजना गर्दै आयोगले जिल्ला स्थित पालिका प्रमुखहरु संग भुमि सम्बन्धि समस्या समाधानका लागि छलफल गरेको हो ।
भुमिहिनहरुको पहिचान देखि लिएर प्रमाणीकरण गर्ने कार्यस्थानीयतह हरुको रहेकाले पालिका प्रमुखहरुलाई वास्तविक भुमिहिनहरुलाई नछुटाउन सहभागीहरुले आग्रह गरेका छन् ।
कुनै अवस्थामा भने भुमिहिनहरुले जग्गा वितरणमा समस्या हुने आयोग कंचनपुरका अध्यक्ष नेत्र प्रकाश पन्तले जनाए ।
धार्मिक, सास्कृतिक, नदि खोला नहर , निकुञ्ज तथा सरक्षित जमिनमा बसेको भए त्यहाको जमिन नपाइने व्यवस्था रहेको उनले बताए ।
कार्यक्रममा बोल्दै बेदकोट नगरपालिकाका मेयर भोजराज बोहराले बेदकोट नगरपालिकामा १९ सय हेक्टर बढी जग्गा नापजाँचको कार्य भएको बताए ।
उनले अझै केहि वडाको जग्गा नापजाँचको कार्य बाकी रहेको बताए ।
बेदकोटमा ९ हजार ५३२ जना भुमिहिन , अव्यवस्थित बसोबासी रहेका छन् ।
स्थानीय सेवा केन्द्र बेदकोटका संयोजक केशव दत्त भट्टले नगरपालिकामा जग्गा नापीको कार्य लगभग अन्तिम चरणमा पुगेकाले भुमिहिन हरुले छिट्टै जग्गा पाउनुपर्ने बताए ।
२०७७ माघ देखी नापीको कार्य सुरु भएकोमा अहिलेसम्म २ करोड ४७ लाख खर्च भएको पनि उनले बताए ।
यस्तै, बेलौरी नगरपालिकामा ५ हजार ६०६ भुमिहिन दलित, भुमिहिन सुकुम्बासी र अव्यवस्थित बसोबासी रहेका छन् ।
यस्तै कृष्णपुर नगरपालिकामा १६ हजार १२५ भुमिहिन दलित, भुमिहिन सुकुम्बासी र अव्यवस्थित बसोबासी छन् । बेलडाँडीमा ४ हजार ७५५ जना भुमिहिन दलित, भुमिहिन सुकुम्बासी र अव्यवस्थित बसोबासी रहेका छन् ।
यस्तै, पुनर्वास नगरपालिकामा ८ हजार ४०६ जना भुमिहिन दलित, भुमिहिन सुकुम्बासी र अव्यवस्थित बसोबासी रहेका छन् ।
लामो समयदेखी जिल्लामा भुमी सम्बन्धि समस्या जगडीएर बसेकाले भुमिहिनका समस्या समाधान गरिनुपर्नेमा कार्यक्रममा सहभागीहरुले जोड दिए ।
नेकपा एमालेका जिल्ला अध्यक्ष लक्ष्मी बुढाले पटकपटक भुमी आयोग बन्ने गरेकाले भुमी समस्या समाधान गरेर अगाडि बढ्नु पर्ने बताइन् ।
नेपाली काङ्ग्रेसका नेता भिमराज भट्टले आयोगले समयमै भुमिहिनहरुका हातमा लालपुर्जा पुगाउन अनुरोध गरे ।
कार्यक्रममा बोल्दै निडस नेपालका भवराज रेग्मीले समयमै भुमिहिनहरुका समस्या समाधान गर्न सम्बन्धित निकायलाई आग्रह गरे ।
कार्यक्रममा प्रमुख जिल्ला अधिकारी नारायण प्रसाद सापकोटाले
आयोगले तोकिएको जिम्मेवारी पूरा गर्ने प्रतिवद्द्ता जनाए । समितिलाई आवस्यक पर्ने जनशक्ति उपलब्ध गराउने उनले प्रतिवद्द्ता जनाए ।
कार्यक्रममा बोल्दै प्रमुख अतिथि भुमी व्यवस्था कृषि तथा सहकारी मन्त्री
वीर बहादुर थापाले भुमि समस्या समाधान गर्न सबै तह तप्काबाट इमानदारी पुर्वक लाग्नुपर्ने र प्रदेश सरकारले आवस्यक सहयोग गर्ने प्रतिवद्द्ता जनाए ।
भुमिहिनहरुलाई ग्रामीण क्षेत्रमा एक कट्टा (३४० बर्ग मिटर) र ग्रामीण भेगमा ७.७ धुर ( १३० वर्ग मिटर) जग्गा दिनुपर्ने सरकारले ऎनमा व्यवस्था गरेको छ ।
जिल्लामा हाल सम्म ७२ हजार ९ सय ३० जना भुमिहीन सुकुम्बासी रहेका छन् । कार्यक्रममा सहभागीहरुले यस आयोगलाई अन्तिम आयोग बन्न पनि आग्रह गरे ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
