बेदकोट उपभोक्ता समिति अध्यक्ष कठायतले गरेको मनोमानी विरुद्ध जिल्ला प्रशासन कार्यालयमा ज्ञापन पत्र

महेन्द्रनगर–बेदकोट उपभोक्ता समिति अध्यक्ष अर्जुन कठायतले उपभोक्ता समुह, ईकाई समुह गठनमा गरेको मनोमानी विरुद्ध जिल्ला प्रशासन कार्यालय कञ्चपनुरमा अन्य समुहका अध्यक्षहरु लगायत स्थानीयहरुले ज्ञापन पत्र बुझाएका छन् । सोमबार बेदकोट नगरपालिका वडा नं. १० मा उपभोक्ता समूह गठन, उपभोक्ता ईकाई समूह गठनमा अर्जुन कठायतले गरेको बखेडा र मनोमानी विरुद्ध शुक्लाफाटा राट्रिय निकुञ्ज कार्यालयमा पटक पटक पत्र पठाउदा समेत कुनै पनि वास्ता नगरेको भन्दै उपभोक्ता समुहका अध्यक्ष र स्थानीयहरुले सहायक प्रमुख जिल्ला अधिकारी परशुराम पोखरेललाई सहजीकरण गरीदिन ज्ञापन पत्र बुझाएका हुन ।
सहायक जिल्ला अधिकारी परशुराम पोखरेलले ज्ञापन पत्र बुझ्दै उक्त विषयमा अध्ययन गरी प्रक्रिया अघि बढाउने बताउनु भएको छ । सरस्वती, भगवती, जनज्योती, जानकी र चाहना समुहका अध्यक्ष र सचिव लगायत स्थानीयहरुले हस्ताक्षर गरी सहायक प्रमुख जिल्ला अधिकारी पोखरेललाई सहजीकरण गरीदिन ज्ञापन पत्र बुझाएका छन् । स्थानियहरुले शुक्लाफाटा राष्ट्रिय निकुञ्जका सहायक वार्डेन राजेश लम्साल आफ्नो कर्तव्यबाट बिमुख भएकोले प्रमुख जिल्ला अधिकारी गुहार्नुपरेको बताएका छन् । शुक्लाफाटा राष्ट्रिय निकुञ्जमा कठायतले मनोमानी ढंगले उपभोक्ता समुह र उपभोक्ता ईकाइृ समुह गठन गरीरहेको गुनासो गरेतापनि कार्यालयले टेरपुच्छर नलगाएको चाहना उपभोक्ता समुहका सचिव गंगा कठायतले बताउनुभयो । बेदकोट नगरपालिका वडा नं १०मा दुई वटा ईकाई समुह रहेका छन् । नयाँगाउमा रहेको उपभोक्ता ईकाई समुहबाट दुई, चथरीबाट तिन जना प्रतिनिधि गरी वडा नं। १० बाट ५ जना प्रतिनिधि छनौट हुनेछन् । अध्यक्ष कठायतले नयाँगाउँको उपभोक्ता ईकाई समुहबाट आफुलाई दादागिरीशैलीमा प्रतिनिधिका लागि छनौट गरेका हुन् । नयाँ गाउको ईकाई गठनका लागि बैधानिक(सक्रिय) ७ ओटा समुह जानकी, चाहना, सरस्वती, भगवती, जनज्योती, रानी र खप्तड उपभोक्ता समुहबाट २÷२ जना प्रतिनिधि छनौट भएका थिए । उनीहरुबाटै ईकाई गठन गर्नु पर्ने भएता पनि अध्यक्ष कठायतले चाहना, जनज्योती, खप्तड र अबैधानिक सिद्धनाथ समुहका प्रतिनिधिलाई मात्रै मिटिङमा सहभागिता गराएर दादागीरीशैली अपनाएर आफुलाई बेदकोट उपभोक्ता समिति चयनका लागि प्रतिनिधि छनोट गराएका थिए । मिटिङमा सहभागिता भएकामध्ये जनज्योती समुहको आधिकारीक प्रतिनिधि कल्पना साउद र सारदा रोकाया हुन् । साउद र रोकायालाई मिटिङमा नै प्रवेश गर्न दिएनन् । उनीहरुको सट्टा जनज्योती समुहबाट अमुक व्यक्तिलाई प्रतिनिधि बनाई मिटिङमा सहभागिता गराएका थिए । भने चाहना समुहबाट आएका दुई जना प्रतिनिधिमध्ये गंगा कठायतले मिटिङ नै बहिस्कार गरेका थिए ।

सिद्धनाथ समुह क्रियाशिल नभएता पनि आफु निकटका प्रतिनिधि आउने भएपछि फर्जी कागज बनाई बैधानिकता दिईएको चाहना समुहका अध्यक्ष गंगा कठायतले बताउनुभयो । उनका अनुसार सात वटा बैधानिक र क्रियाशिल उपभोक्ता समुह भएता पनि तिन ओटा उपभोक्ता समुहका प्रतिनिधिलाई मात्रै मिटिङमा सहभागि गराईएको थियो । अध्यक्ष कठायतले जानकी, सरस्वती, रानी र भगवती उपभोक्ता समुहबाट आएका प्रतिनिधिलाई मिटिङमा प्रवेश गर्न नदिएपछि विरोध जनाएको भगवती उपभोक्ता समुहकी अध्यक्ष गंगा कठायतले बताउनुभयो ।
अध्यक्ष अर्जुन कठायतले आफु निकटका प्रतिनिधि नआउने थाहा पाएपछि सक्रिय समुहलाई पनि नविकरण गर्न दिएको छैन । बेदकोट उपभोक्ता समितिका अध्यक्ष अर्जुन कठायतले दर्ता भएर सक्रिय रहेका भेराल, नवदुर्गा र कैलास उपभोक्ता समुहलाई नविकरण गर्न दिएको छ्रैन् । ति समुहमा बचत गर्नेदेखि विभिन्न क्रियाकलाप सक्रियरुपमा रहेको छ ।

अध्यक्ष अर्जुनले वडा नंम्बर १० मा चाहना र सरस्वती उपभोक्ता समूह गठनमा पनि मनपरी गरेका थिए । उनले कहाँसम्म मनपरी गरेका थिए भने ३४ जना उपभोक्ता रहेको समुमा अमुक उपभोक्ता ल्याएर २७ जनाको उपस्थीति बनाई प्रतिनिधि छनौट गरेका थिए । त्यसैगरी सरस्वति समुहमा पनि उपभोक्तालाई जानकारी नै नगरी प्रैतिनिधि छनौट गरेका थिए । आफ्नो समुहबाट अमुक व्यक्ति प्रतिनिधि छनौट भईसकेको सूचना पाएपछि स्थानीयले विरोध गरेका थिए । विरोध गरेपछि माफि मागेका अध्यक्ष अर्जुनले विवाद भएका समुहको प्रतिनिधि पुनः चयन गर्ने बताएका थिए । त्यसपछि उनले गाउँमै गएर प्रतिनिधि छनौट गरेका थिए । दुई कार्यकाल बेदकोट उपभोक्ता समिति अध्यक्ष बनेका अर्जुनले फेरी पनि अध्यक्ष हुनको लागि मनोमानी ढंगले उपभोक्ता समुह गठनदेखि उपभोक्ता ईकाई समुह गठनमा बखेडा झिकिरहेको स्थानीयको भनाई रहेको छ ।

स्थानीयहरूले शुक्लाफाँटा राष्ट्रिय निकुञ्ज संरक्षण तथा वन्यजन्तु संरक्षणका लागि गठन गरिने समितिमा केही निश्चित व्यक्तिलाई मात्र समावेश गरी अन्य समुदायलाई बेवास्ता गरिएको स्थानीयको गुनासो छ ।