भारतको पञ्जावमा चोरीएका गहना आपको रुखमा भेटिएपछि ……

महेन्द्रनगर – दोधारा चादनी नगरपालिका वडा नं. ९ झाक्रिटोलकी सम्झना धामीको घरबाट असार ३२ गते बिहिबार दिउसो २ बजे प्रहरीले बहुमुल्य गरगहना बरामद ग¥यो । प्रहरीले उक्त घट्नासंग सम्बन्धित ५ जनालाई पनि नियन्ञणमा लियो । तर पक्राउ परेका उक्त घट्नासंग सम्बन्धीत पाचै जनालाई साउन २ गते दिउसो सामान्य सोधपुछपछि छोडेको छ । उनीहरुलाई छोड्दासम्म बरामद गरीएको बहुमुल्य गरगहनाको बारेमा प्रहरीले जानकारी लुकाएर राख्छ ।

प्रहरीले बरामद गरेको सामान र सुनको परिमाणबारे प्रहरीले आधिकारीक जानकारी अझै पनि खुलाएको छैन् । तर सामाजिक संञ्जाल फेसबुकमा तिन केजि सुन बरामद गरी प्रहरीले विवरण नै खुलाएन भनी भाईरल हुन्छ । त्यसपछि मात्र असार २ गते ईलाका प्रहरी कार्यालयले करौडौ मूल्यका गरगहना बरामद गर्दा मुचुल्का तयार गर्छ । मुचुल्का घट्नास्थलमा बनाईन्छ तर प्रहरीले समान बरामद गरेको तेस्रो दिन असार २ गते मुचुल्कामा सहिछापका लागि वडा नं. ९ का वडा अध्यक्ष गोपिलाल कडेललाई फोन गरी आग्रह गर्दछ । तर अध्यक्षले आफुलाई घट्नाबारे जानकारी नभएको भन्दै मुचुल्कामा सहिछाप गर्न ईन्कार गरेको कुरा बाहिरिन्छ । तव दोधाराचादनीका स्थानीयमा संका उपसंका सिर्जना हुन्छ ।

घट्नाको वास्तविकता के हो ?

विषयबस्तुमा प्रवेश गरौ ।
बाजुराकी रेखा धामी भारतको पञ्जावस्थीत रुदीयानाको राजपुर क्षेत्रका एक कपडा व्यपारीको घरमा विगत तिन बर्षदेखि काम गर्दै आएकी छन् । बाजुराका आरसी रोकायासंग रेखा धामीको विगतदेखि नै फोन सम्पर्क भईरहने कुरा प्रहरी अनुसन्धानबाट खुलेको देखिन्छ । प्रहरी स्रोतका अनुसार रेखाले एक महिनाअगाडि आरसीलाई पञ्जाब बोलाउछिन् । त्यसपछि आरसी रोकाया सम्झना धामीका श्रीमान लोकेश धामीलाई लिएर पञ्जाव पुग्छन । रेखाको साहु विदेश गएको हुन्छ । त्यहि मौकामा शाहिल थरका साहुको घरमा चोरी हुन्छ । उक्त घट्नामा लोकेश र आरसी प्रत्यक्ष सहभागि हुन्छन् भने लोकेशको दाई हिमाल धामीले प्रयोग गर्दै आएको मोटर साईकल पनि प्रयोग गरेको अनुसन्धानबाट भारतिय प्रहरी पत्ता लगाउछ । शाहिलको घरमा चोरी नभएर उसकै घरमा काम गर्ने बाजुराकी रेखा धामी, लोकेश, र आरसी मिलेर साहुको घरबाट बहुमूल्य गरगहना चोरी गराएको कुरा खुल्छ । रेखा लाई प्रहरीले थुन्छ ।
शाहिलले घरमा चोरी भएको भन्दै प्रहरीमा उजुरी दिन्छन् । भारतीय प्रहरीले चोरीको घट्नामा एक मोटरसाईकलको प्रयोग भएको पत्ता लगाउछन् । भारतीय प्रहरीले चोरीमा प्रयोग भएको मोटर साईकल मार्फत सम्झना धामीका जेठाजु हिमाल धामीलाई पनि पक्राउ गर्छ ।
प्रहरीले केरकार गरेपछि रेखाले लोकेश र आरसी रोकाया सामान चोरेर नेपाल भागेको बयान दिन्छन् । त्यसपछि रेखालाई आफन्तमार्फत उनीहरुको खोजी गराउन लगाउछन भारतिय प्रहरी र साहु । रेखाले आफ्ना भिनाजु नाता पर्ने रमेश रावतलाई सम्पर्क गरी चोरी गरी भागेका लोकेश र आरसीको खोजी गराउछिन् । संगै साहुले पनि तिम्रो साली र हिमाल भन्नेलाई प्रहरीले समातेको छ चोरी गर्ने मान्छे समातिय छोड्ने नत्र जेलमै सडाईदिने धम्की दिने गरेको स्रोतले बतायो ।

गरगहना सम्झनाको घरमा कसरी पुग्यो ?

असार ३२ गते विहान सम्झनाका श्रीमान घरमा आएका थिए । घरमा आएका उनका श्रीमान लोकेश धामी घरपरिवार संग केही पनि नबोलेको सम्झनाले बताईन् । ‘विहान ४ बजे उनी आएका थिए, हमरा मुख बोलेपनि नाई पछि गईहाले,’सम्झनाले भनिन् ।
त्यसैदिन विहान ९ बजेको समयमा रेखाका भिनाजु रमेश रावतसहित पाच जना एका एक घरमा आएर गरगहना दिनु, कहाँ छन् भन्दै घरभित्र खोजिनिति गरेको सम्झनाले बताईन् । उनले आफुलाई केहि पनि थाहा नभएको भनेपछि रेखाका भिनाजु लगायतका ५ जना घरनजिकैको छिमेकीको आपको रुखमा गएर कागजमा गरगहना निकालेको बताईन् । ‘मैले मलाई केहि पनि थाहा छैन, मेरो घरमा कहाँबाट आयो त्यत्रो गरगहना भने त्यसपछि उ त्यो आपको रुखनेर गए र एक जना केटा रुखमा चढेर गरगहना निकाले,’ उनले भनिनन् ‘गहना लिएर एक पटक त एक जना भाग्यो पछि फेरी आफै फक्र्यो ।’
उनीहरुले भिडियो कल गरी साहुलाई देखाउदै सामान प्रमाणिकरण गरेको सम्झनाले बताईन् । तर उनीहरुले आफुहरुलाई हेर्न नदिएको सम्झनाले बताईन् । ‘मेरै घरभित्र बाट साहुलाई ईण्डिया फोन गरी एक एक सामान देखाएका हुन् मलाई हेर्न पनि दिएन, के कस्तो सामान थियो थाहा भएन्,’ सम्झनाले भनिन् ‘कानको लगाउने छैन मात्रै भनेका हुन् । पछि साहुले लिएर आउनु भनेपछि हुन्छ भन्दै लग्दै थिए मैले मेरो जेठाजुलाई नछुटाई लग्न दिन्न भनेपछि मेरै दराजमा ति सामान राखेका थिए । चावि उनीहरुको हातमा थियो । पछि हामीहरु घरमै बसेका थियौ २ बजेतिर प्रहरी आएर उनीहरुलाई समातेर लगे । गरगहना पनि निकालेर लगे ।’

सम्झनाको घरमा प्रहरी कसरी पुग्यो ?

विहान ९ बजेद रेखाका भिनाजु रमेश रावत सहित ५ जना आएपछि सम्झनाको घरमा हल्ला भईरहको थियो । उनीहरुको हल्ला खल्ला सुनेपछि छिमेकिले फोन गरी प्रहरी बोलाएको हो । अनावश्यक रुपमा घरमा मानिसहरु पनि आउनु र हल्ला पनि हुनु त्यसपछि करौडौ सुन भेटिएको सुनेपछि प्रहरीलाई खवर गरीदिएको एक जना रेखाका छिमेकीले बताए । ११÷१२ बजेतिर फोन गरेको तर प्रहरी ढिलो गरी पुगेको उनले बताए ।

साहु आएपछि छुटे पाच जना

गरगहनाको साहु शाहिलले नेपाल आएर पक्राउ परेका रेखाका भिनाजुलगायतका पाचै जनालाई छुटाएको छ । सामानको मालिक नै आएर खोजितलासीको लागि पठाएको भनेपछि उनीहरुलाई छोडेको ईलाका प्रहरी कार्यालय दोधाराचादनीका प्रमुख प्रहरी निरिक्षक कृष्ण सोनीले बताए । सम्झना धामीलाई पनि केही समस्या गरेको छ कि भनेर सोध्दा केही छैन भनेपछि उनीहरुलाई छोडिएको उनले बताए । बाकि अनुसन्धान भईरहेको छ ।

प्रहरीले किन खुलाएन बरामद भएको सामानको विवरण

प्रहरीले बरामद गरेको चार दिन वित्दा पनि बरामद गरेको सामानको विवरण सार्वजनिक गरेको छैन्  । यस घटनामा प्रहरीको नियतमाथि प्रश्न उठाउने ठाउँ छ । २ केजी कुखुरा समात्दा सार्वजनिक गर्ने प्रहरीले यतिका दिनसम्म किन लुकायो घटना ?

अनुसन्धान र प्राविधिक दृष्टिकोणबाट बरामद भएको सामानको विवरण र मूल्य सार्वजनिक गर्न नसकिएको इलाका प्रहरी कार्यालय दोधारा चादनिका प्रमुख प्रहरी निरीक्षक कृष्ण सोनीले बताए । ‘हामीले माथिल्लो निकाएमा घटनाको रिपोर्टिङ गरेका छौं, घटनाको अनुसन्धान भइरहेको छ,’ उनले भने ‘ बाला, घडी जस्ता गरगहना भएकाले त्यसको कति परिमाण बहुमुल्य धातु छ यकिन गर्न समस्या भएकोले मूल्य निर्धारण गर्न नसकिएकाले हो, जस्तो बरामद गरेका छौं सबै त्यस्तै छ । भारतबाट मालिक आएर पनि हेरिसकेको छ । कानुनी प्रक्रिया अनुसार बुझाउँछौं ।’

अनुसन्धान टुङ्गिएपछि सम्पूर्ण विवरण सार्वजनिक गर्ने उनले बताए । के के सामान हो ? त्यसबारे पनि जानकारी दिएनन् ।

चोरी भएको सामानको एक तिहाइ सामान मात्रै भेटियो

चोरीमा संलग्न तीन जनाको भागमध्ये लोकेशको भाग फेला परेको हुन् सक्ने प्रहरी अनुसन्धानले देखाएको छ । प्रहरीकोमा पुगेका साहु साहिलले आफ्नो सामान भेटिएको तर सबै सामान नभेटिएको बताएका छन् । तीन करोड भारु का बहुमुल्य गरगहना हराएको प्रहरीले शाहीललाई उदृद् गर्दै जानकारी दिएको छ ।

साहिलले प्रहरीले भेटाएकोमा सामान एक करोड भारुको जति भएको भनेको भनेर प्रहरी स्रोतले जानकारी दिएको छ ।

चोरीमा संलग्न लोकेश अझै फरार

चोरीमा संलग्न रहेको भनिएको लोकेश धामी र आरसी रोकाया फरार छन् । घटना गम्भीर भए पनि चोरी घटनामा संलग्न भनिएको लोकेश धामी र रोकायाको प्रहरीले खोजी गरिरहेको छैन ।