भीमदत्तको दुर्गम बस्ती खल्लामछेट्टीमा निःशुल्क स्वास्थ्य शिबिर : ९३ जना लाभान्वित

महेन्द्रनगर – कञ्चनपुर जिल्लाको भीमदत्त नगरपालिका वडा नं. ९ खल्लामछेट्टीका सयौ जनाले निशुल्क विशेषज्ञ स्वास्थ्य सेवा पाएका छन् ।

जिल्लाको सबैभन्दा धनी र सुगम पालिकाको दुर्गमबस्ती(तराईको कर्णाली)का रुपमा परिचित खल्लामछेट्टीमा महाकाली बुहप्राविधिक शिक्षालयको आयोजना तथा भीमदत्त नगरपालिकाको व्यवस्थापन एवं मन्त्र अस्पतालको प्राविधिक सहयोगमा आयोजित एकदिने निशुल्क स्वास्थ्य शिविरबाट ५४ जना महिला र ३९ जना पुरुष गरी ९३ जना लाभान्वित भएका हुन् ।

महाकाली बहुप्राविधिक शिक्षालयका निर्देशक परमल सिह साउदले ग्रामिण भेगका नागरिकको स्वास्थ्यमा पहुँच पु¥याउने उदेश्यसहित शिक्षालयले सामाजिक उत्तरदायित्व अन्तरगत दुर्गमबस्ती खल्लामछेट्टीमा निशुल्क स्वास्थ्य शिविरको आयोजना गरीएको बताए । विशेषज्ञ डाक्टरहरुको सेवा सहितको शिबिरमा रगत जाँच, खकार जाँच, औषधी निशुल्क वितरण गरीएको निर्देशक साउदले बताए ।

गाँउमै निशुल्करुपमा विशेषज्ञ स्वास्थ्य सेवा पाएपछि स्थानीय खुसि भएका छन् । मिना चन्दले गाँउमै विशेषज्ञ डाक्टरको सेवा पाउदा हर्षित भएको बताईन् । ‘टुडिखेलमा गाँउघर क्लिनिक छ तर त्यहा खासै चेकजाँच हुदैन,’ उनले भनिन् ‘आज गाउघरमै डाक्टर आएर जाँच गर्नुभयो खुसी लाग्यो, औषधि पनि निशुल्क पाईयो । यस्ता कार्यक्रम सधै भईराखे राम्रो हुन्थयो ।’

त्यसैगरी अर्का सेवाग्राही संगिता धामीले पनि आफ्नै गाँउमा निशुल्क विशेषज्ञ डाक्टरसहितको स्वास्थ्य सेवा पाउदा खुसि लागेको बताईन् ।
स्वास्थ्य जाँच गर्दा अधिकांश सेवाग्राही रुघाखोकि ज्वरोका देखिएता पनि ५/६ सेवाग्राहीमा दमको सिकायत देखिएको डा. अर्जुन भट्टले बताए । ‘अधिकांस विरामीमा रुघाखोकि ज्वारो देखिएपनि ५/६ जनामा अलि जटिल समस्या जस्तो देखियो । उनीहरुलाई अस्पतालमै आएर चेकजाँच गर्ने सल्लाह सुझाव दिएकाछौ,’ उनले भने ‘सामान्य समस्या देखिएका विरामीहरुलाई ३ दिनको औषधी दिएका छौ । निको नभए अस्पताल आउन सुझाव दिएका छौ । ’

शिविरमा प्रमुख अतिथिको रुपमा भीमदत्त नगरपालिकाका नगर प्रमुख पदम बोगटी रहेका थिए । उनले महाकाली बहुप्राविधिक शिक्षालयले ग्रामिण भेगका स्थानीयलाई निशुल्क स्वास्थ्य सेवा पु¥याउने उदेश्यले गरीएबमे शिविरले धेरै परिवार लाभान्वित हुने बताए ।