नेकपा डडेल्धुराद्धारा प्रतिनिधि सभाका लागि बोहरासहित तिन जना उम्मेदवार सिफारिस

डडेल्धुरा – नेपाली कम्युनिस्ट पार्टी(नेकपा) डडेल्धुराले आगामी फागुन २१ गते तोकिएको प्रतिनिधिसभा निर्वाचनका लागि सशस्त्र युद्धदेखि निरन्तर खटिएका अनिल बोहरासहित तिन जना प्रत्यासिको नाम सिफारिस गरेको छ । बिहिबार सम्पन्न पार्टी बैठकले डडेल्धुरा जिल्लाको एकमात्र निर्वाचन क्षेत्रबाट प्रत्यक्ष तथा समानुपातिक तर्फका उम्मेदवारका नाम सिफारिस गरेको छ । प्रत्यक्ष तर्फ अनिल बोहरा, निरादेवी जैरु र मानसिंह मालको नाम सिफारिस गरेको हो । त्यसैगरी जेन्जी तर्फबाट मुकुन्द भट्टको नाम सर्वसम्मतरूपमा सिफारिस गरिएको नेकपा डडेल्धुराले जनाएको छ ।
यसैगरी समानुपातिकतर्फ अहिल्या कुँवर, शकुन्तला नगरकोटी, नरबहादुर बिष्ट, नन्दादेवी भट्ट र धर्म विक लगायतको नाम सिफारिस गरिएको छ।
सिफारिस भएका नामहरू केन्द्रमा पठाइने र अन्तिम निर्णय पार्टीको केन्द्रीय तहबाट हुने नेकपा डडेल्धुराले जनाएको छ ।