नयाँ खबर
महेन्द्रनगर–अन्तरदेशीय सीमा नदीको पानीको सदुपयोग (ट्रोसा) परियोजना समापन भएको छ । महाकाली नदी किनारका महिलाहरुको सशक्तिकरण र पानीमो पहुँच संगै स्वच्छताका क्षेत्रमा परियोजनाले लामो समय काम गरेको थियो ।
यसै साता महेन्द्रनगरमा आयोजित परियोजनाको समापन कार्यक्रममा सहभागीले आगामी दिनमा पनि यस्ता कार्यक्रमहरु सञ्चालन गर्नुपर्ने आवश्यक रहेको बताए । परियोजनाले भीमदत्त नगरपालिका ९, ११, १२ र १३ तथा दोधारा चाँदनी नगरपालिका ९ र १० मा महिला सशक्तिकरण समुहहरु गठन गरेर उनीहरुलाई पानीको उपयोगसंगै स्वच्छ कसरी राख्न सकिन्छ भन्ने विषयमा छलफल गर्दै आएको थियो । साथै पानीमा पहुँचका लागि सरोकारवालासंग छलफल तथा पैरवी पनि गरिरहेको थियो ।
‘यो परियोजनाबाट हामीले धेरै कुरा सिक्न पायैं, महाकालीको पानीको गुणस्तर कस्तो छ, पानी परीक्षण कसरी गर्ने सबै जानकारी भयो,’ भीमदत्त नगरपालिका ९ की कलावती चन्दले भनिन्, ‘हामी सामाजिक कुरितीका विषयमा पनि आवाज उठाउन सक्ने भएका छौं ।’ उनले परियोजनाले महिलाहरुलाई आयआर्जनका लागि समेत उत्प्रेरित गरेको र केही आयआर्जनमा लागेको बताइन् ।
परियोजनाकै सहयोगमा भीमदत्त नगरपालिका ११ की जानकी पुन मगरले मासिक ३५÷४० हजार आम्दानी गरिरहेकी छिन् । उनीले भारतमा रहेका श्रीमानलाई घरमै बोलाएर ठेला सञ्चालन गरेकी छिन् । महाकाली किनारको भाईरल रोडमा राखिएको उनको ठेलामा मम, चाउमिन लगायतका सामाग्री बन्ने गरेका छन् ।
समापन कार्यक्रममा भीमदत्त नगरपालिका १३ का वडाध्यक्ष राम बहादुर बोहराले परियोजना अन्तरगत गठन भएका सशक्तिकरण समुहले निकै राम्रो काम गरेको र आगमी दिनमा ति समुहलाई टोल विकास समितिमा परिणत गरेर भएपनि निरन्तरता दिइने बताए । विकास निर्माणदेखि हरेक क्रियाक्लापमा महिला समुह सक्रिय रहेको उनले बताए ।
भीमद त्त नगरपालिकाकी नगर उप प्रमुख निलम लेखक जोशीले परियोजनाका कारण महिला दिदी बहिनीहरु उद्यमी बनेकामा खुशी भएको बताइन् । उनले यस्ता उद्यमीहरुलाई थप सहयोग गर्ने बताइन् । यसैगरी महाकालीमा व्यवसायीक रुपमा सुरु भएको ¥याप्टिंगका लागि सडक मर्मत लगायतमा पनि आवश्यक काम गरिने बताइन् ।
निड्स नेपालका कार्यक्रारी दिर्देशक भवराज रेग्मीले परियोजनाले सीमा नदीमा पहुँच संगै अधिकार स्थापनाका लागि काम गरेको बताए । उनले खल्ला मुसेट्टी क्षेत्रमा ¥याप्टिंग सुरु भएपछि यो सम्भव भएको बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
