१७औ एन प्याब्सन जिल्लास्तरीय खेल महोत्सव शुक्रबारदेखि हुने

महेन्द्रनगर : कञ्चनपुरको कवडहलमा आउदो पुष २६ गते(शुक्रबार)देखि १७औ नेशनल प्याब्सन जिल्ला स्तरिय खेल महोत्सव हुने भएको छ । राष्ट्रिय निजी तथा आवासीय विद्यालय एशोसिएसन(एन प्याब्सन) नेपाल कञ्चनपुरको आयोजनामा नेशनल प्याब्सन जिल्ला स्तरिय खेल महोत्सव हुने भएको हो ।

भीमदत्त नगरपालिका ४ महेन्द्रनगर खुला मञ्चमा उद्धघाटन कार्यक्रम हुने र बाकि खेलहरु कभर्डहलमा हुने आयोजकले जानकारी दिएको छ । एन प्याब्सन कञ्चनपुरका बरिष्ठ उपाध्यक्ष समेत रहेका खेल संयोजक बलदेव भट्टले गत विगतका बर्षहरु झै यस बर्षपनि खेल महोत्सव हुन लागेको बताए । उनले चार तहमा प्रतियोगिता हुने जानकारी दिए । उनका अनुसार आधारभूत तह ए(कक्षा १–५सम्म) र आधारभूत तह बि(कक्षा ६–८सम्म)का विद्यार्थीहरुका लागि लङजम्प, एक, दुई र चार सय मिटर दौड प्रतियोगिता हुनेछ ।
त्यसैगरी माध्यमिक तह ए(कक्षा ९–१०सम्म) र माध्यमिक तह बि(कक्षा ११–१२सम्म)का विद्यार्थीहरु विचमा थप पाच हजार मिटर रेस र हाईजम्प तथा सटपुट खेल खेलाईनेछ ।
चार तहका छात्र, छात्रा विच लङजम्प, हाईजम्प, सर्टफुट, भलिबल, १ सय, २ सय ४ सय मिटर दौडमा छुट्टाछुट्टै प्रतिस्पर्धा गराईने योगिता हुने खेल संयोजक भट्टले बताए ।
५२÷५२ गोल्ड र सिल्भर तथा ६६ ब्राञ्च मेडलका लागि जिल्लाभरीका झण्डै तिन हजार खेलाडीविच प्रत्यक्ष प्रतिस्पर्धा गराईनेछ । हालसम्म जिल्लाभरीका ५५ विद्यालय रजिष्ट्रड भएका छन । प्रतियोगितामा प्रथम, द्वितिय, तृतिय विजेता विद्यालयका खेलाडीलाई पुरस्कार प्रदान गरिनेछ ।

तहगत अनुसार खेलकुद प्रतियोगितामा सहभागिताका लागि आधारभूत तह ए, आधारभूत तह बि, मावि तह ए र मावि तह बि को लागि क्रमश ः ५, ८, १० र १२ हजार रुपया शुल्क रहेको छ । एनप्याब्सन कञ्चनपुरका कोषाध्यक्ष सुर्य बहादुर चन्दले महोत्सवमा झण्डै १० लाख खर्च हुने बताए ।

कोषाध्यक्ष चन्दका अनुसार एनप्याब्सन सदस्य विद्यालयबाट सहभागि शुल्क संकलन गरिनेछ । एन प्याब्सन कञ्चनपुरका सचिव कुबेर खड्काले विगतका बर्षहरु भन्दा यस बर्ष थप पुरस्कृत बनाईने बताए ।

सचिव खडकाले एन प्याब्सनमा आबद्ध रहेका १ सय ३२ विद्यालय मध्ये अधिकाँस विद्यालय सहभागि हुने विश्वास व्यक्त गरेका छन ।

एन प्याब्सन कञ्चनपुरका अध्यक्ष सत्येश बहादुर चन्दले गृहमन्त्री रमेश लेखकको प्रमुख आथित्यका कार्यक्रम उद्घाटन गरिने र लगत्तै प्रतियोगिता शुरु हुने बताए । ‘प्रतियोगिताले विद्यार्थीको पढाईका अतिरिक्त थप खेलकुद माध्यमबाट बृद्धि विकास हुनेछ, ‘उनले भने, ‘प्रतियोगिताबाट खेल खेलाडीको उत्पादन हुनेछ ।’
एन प्याब्सन महोत्सवले कञ्चनपुर खेलकुदमय बन्ने उनले बताए । २९पुषसम्म संचालन हुने महोत्सवमा जिल्लाभरीका हजारौँ विद्यार्थी सहित शिक्षक, अभिभावकको सहभागिता हुनेछ ।