होली फेमली स्पोर्टस एकेडेमीद्धारा संञ्चालीत दश दिने निशुल्क क्रिकेट ट्रेनिङ्ग तथा तेक्वान्दो प्रशिक्षण समापन, साढे तिन सय जना प्रशिक्षित

महेन्द्रनगर–कञ्चनपुर जिल्लाको भीमदत्त नगरपालिका–१० स्थीत होली फेमली स्पोर्टस एकेडेमीले सञ्चालन गरेको १० दिने क्रिकेट ट्रेनिङ्ग तथा तेक्वान्दो प्रशिक्षण समापन भएको छ । शुक्रबार होली फेमली स्पोर्टसका अध्यक्ष भूपाल सिंह विष्टको अध्यक्षता एवं क्रिकेट संघ९क्यान०का अध्यक्ष चतुर बहादुर चन्दको प्रमुख आतिथ्यतामा एक औपचारीक समारोहकाविच क्रिकेट ट्रेनिङ्ग तथा तेक्वान्दो प्रशिक्षण कार्यक्रमको समापन गरीएको हो ।

क्रिकेट ट्रेनिङ्ग तथा तेक्वान्दो प्रशिक्षणबाट सरकारी र संस्थागत विद्यालयका साढे तिन सय जना विद्यार्थी लाभान्वीत भएका छन् । समापन कार्यक्रममा तालिम तथा प्रशिक्षणमा सहभागि खेलाडीहरुलाई प्रमाण पत्र वितरण गरीएको छ । प्रमुख अतिथि क्यान अध्यक्ष चतुर बहादुर चन्दलगायत अभिभावकहरुले खेलाडीहरुलाई प्रमाण पत्र हस्तान्तरण गरेका छन् ।

नेपाल क्रिकेट संघ९क्यान०का अध्यक्ष चतुर बहादुर चन्दले क्रिकेट तथा खेलकुद क्षेत्रमा होली फेमलीले गरेको योगदानको प्रशंसा गर्दै विद्यार्थीहरुलाई आफ्नो क्षमता निखारता ल्याउन र क्षमता पहिचान गर्न सहयोग पुग्ने बताए । उनले यस्ता तालिमहरुबाट खेलाडीहरुमा उत्प्रेरणा दिनुका साथै खेलाडी उत्पादनमा महत्वपूण सहयोग पुग्ने बताए ।

एकेडेमीका अध्यक्ष एबम् होली ग्रुफ अफ स्कुलका संस्थापक भुपाल सिह विष्टले स्पोर्टसको ग्राउण्डमा ६ वटा पिच निर्माण गरी बाह्रै महिना क्रिकेट तालिम दिने बताए ।
एकेडेमीका अध्यक्ष एबम् होली ग्रुफ अफ स्कुलका संस्थापक भुपाल सिह विष्टले खेलकूद विकासका लागि एकेडेमीको स्थापना गरेका हुन ।

समापन कार्यक्रममा होली फेमलीका फाउण्डर आरती देवी विष्ट, उपाध्यक्ष महादेव प्रसाद भट्ट, सुदूरपश्चिम क्रिकेट संघका सचिव लक्ष्मण भट्ट, कञ्चनपुर क्रिकेट संघका सचिव विशाल शोनार, विष्ट समाज कञ्चनपुरका अध्यक्ष भवानी सिंह विष्ट लगायत अभिभावक, विद्यार्थी, शिक्षक समापन कार्यक्रममा सहभागी भए ।

एकेडेमीले विगत दुई बर्षदेखि निशुल्क खेलकुद तालिम तथा प्रशिक्षण दिदै आईरहेको छ । तालिम यहि बैशाख २ गतेदेखि ११ गतेसम्म संञ्चालन गरीएको थियो । कार्यक्रमको संञ्चालन हरीस सिंह ठगुन्नाले गरेका थिए । खेलकुद क्षेत्रमा ठूलो लगानी गर्दै आएको होलीफेमली एकेडेमीले राष्ट्रिय तथा अन्तराष्ट्रिय खेलाडि उत्पादन गरीसकको छ ।