स्थानियतहलाइ आगामी बजेटमा मिडियालाइ प्राथमिकता दिन पत्रकार महासंघ कंचनपुरको आग्रह

महेन्द्रनगर –  नेपाल पत्रकार महासंघ कंचनपुर शाखाले कंचनपुरका स्थानियतहहरुलाइ आगामी आथिक बर्षको बजेटमा मिडियालाइ प्राथमिकताका राखेर बजेट बिनियोजन गर्न आग्रह गरेको छ । समाज राष्ट्रको बिकास परिवर्तनको लागि महत्वपुर्ण भुमिका निर्वाह गरेका संचारमाध्यमहरु पछिल्लो समय आर्थिक अभावका कारण धराशायी बन्दै गएको भन्दै महासंघ कंचनपुर शाखाले उक्त आग्रह गरेको हो ।  नेपाल पत्रकार महासंघ शाखा कंचनपुरको बैशाख ५ गते शुक्रबारका दिन शाखा अध्यक्ष  सुरेश सिंह धामीको अध्यक्षतामा सम्पन्न  बैठकले  कंचनपुरका ९ वटै स्थानिय तह अर्थात पालिकाहरुलाइ  बिगतका बर्षहरुमा बिनियोजन गर्दै आएको सन्चारमाध्यम सङ्ग सम्बन्धित  प्रकाशन प्रसारण लगायतका अन्य सिर्षकका  बजेटमा आगामी आर्थिक बर्ष २०८२/०८३ को बजेटमा सन्चारमाध्यमलाई प्राथमिकतामा राखी बजेट बिनियोजन गर्न , सुचना, सन्देश ,कार्यक्रमको प्रकाशन तथा प्रशारणमा बिगतको भन्दा थप रकम बिनियोजन गर्न र  नेपाल पत्रकार महासंघ कंचनपुर शाखाको भवनको ब्यवस्थापनको लागि समेत बजेट बिनियोजन गरि सहयोग गरिदिन अनुरोध गरिन्छ  ।
यसैगरी महासंघले सार्वजनिक सरोकारका बिषयमा सुचना पाउने, माग गर्ने र प्राप्त गर्ने हरेक नागरिकको अधिकार हो । सूचना प्रवाहले हरेक बिषयलाइ पारदर्शी र जवाफदेही बनाउने गर्दछ । कंचनपुरमा रहेका सरकारी, गैरसरकारी , सार्वजनिक  तथा अन्य संस्था ,कार्यालयहरुलाई नियमानुसार सुचनाको हक कार्यान्वयन गर्न र सुचनामा सबैको सहज सरल पहुँच स्थापित गर्न आग्रह गरेको छ   ।

महासंघले कंचनपुरका स्थानिय तह ,सरकारी तथा गैरसरकारी कार्यालयहरु र अन्य सार्वजनिक संस्था ,संस्थान , कार्यालयहरुले सन्चारमाध्यममा प्रकाशन ,प्रसारण लगायत मिडियासंग सम्बन्धित सिर्षकमा खर्च गर्दै आएको रकमलाइ थप ब्यवस्थित, पारदर्शी, मितब्ययी, समानान्तर बितरण र मिडिया मैत्री बनाउन सबैलाइ आग्रह गरेको छ  ।
यसैगरी मिति २०८१ चैत्र १५ गते काठमाडौको तिनकुनेमा भएको हिंसात्मक प्रदर्शनका क्रममा हत्या गरिएका पत्रकार सुरेश रजकको घटनाको हत्यतथ्य छानबिन गरि दोशिलाइ कडा भन्दा कडा कानुनी कारवही गर्न, पिडित परिवारलाइ उचित क्षतिपुर्ती दिन, घाइतेहरुको उपचार गर्न, सन्चारगृह माथी भएको तोडफोड आक्रमणको छानबिन गरि दोशिलाइ कारबाही गर्न तथा उचित क्षतिपुर्ती दिन र पत्रकार सुरक्षाको ग्यारेन्टी गर्न नेपाल पत्रकार महासंघ शाखा कंचनपुरले केन्द्रीय महासंघ समितिले गरेको सर्कुलर अनुसार चरणबद्ध  बिरोध कार्यक्रम अन्तर्गत र्याली ,कोणसभा,कार्यक्षेत्रमा कालो पट्टि बाधेर कार्य संचालन सम्पादन  तथा कंचनपुरका प्रमुख जिल्ला अधिकारी मार्फत नेपाल सरकारका गृहमन्त्री , प्रधानमन्त्रीलाइ ध्यानाकर्षण लगायतका अन्य कार्यक्रम गरिएकोमा अहिले सम्म महासंघले उठाएका मागहरुको उचित संबोधन हुन नसकेको समयमा पत्रकार सुरेश रजकको हत्या घटनाको सत्यतथ्य छानबिन ,दोशिलाइ कारवाही ,पिडित परिवारलाइ उचित क्षतिपुर्ती ,घाइतेको उपचार,संचारगृहमाथी भएको  आक्रमण तोडफोडको छानबिन र उचित क्षतिपुर्ती दिन तथा सन्चारकर्मिहरुको पेशागत सुरक्षाको सुनिस्चितता गर्न नेपाल सरकार संग नेपाल पत्रकार शाखा कंचनपुरले जोडदार माग गरेको छ  ।  नेपाल पत्रकार महासंघ शाखा कंचनपुरको आगामी बैठक घुम्ती गर्ने निर्णय भएको अध्यक्ष धामिले बताएका छन ।