साना व्यवसायीको हकहितमा काम गर्छु : बाणिज्य संघका सदस्य पदका उमेदवार युवा व्यवसायी भट्ट

महेन्द्रनगर–कञ्चनपुर उद्योग बाणिज्य संघको कार्य समिति चयनका लागि हुन लागेको निर्वाचनमा युवा व्यवसायी लोकराज भट्ट सदस्यमा उमेदवारी दिएका छन् । भोली शनिबार हुन गईरहेको वाणिज्य संघको १८औँ कार्य समिति निर्वाचनमा संघको खुला सदस्य तर्फ युवा व्यवसायी लोकराज भट्टसहित १३ जना चुनावी मैदाना छन् । कोषाध्यक्ष र ७ सदस्यका लागि निर्वाचन हुन लागेको हो ।

महेन्द्रनगर स्थित न्यू सहस्त्रलिङ्ग च्वाईस सेन्टरका संचालक समेत रहेका युव व्यवसायी भट्ट पहिलो पटक सदस्य प्रवेश गर्न चुनावमै होमिएका छन् । झण्डै दुई दशकदेखि व्यवसाय गर्दै आएका युवा व्यवसायी भट्ट ईमानदार उच्च नेतृत्व छवि भएका युवा व्यवसायका रुपमा चिनिनुहुन्छ । संघमा युवा व्यवसायको सहभागिताका लागि भन्दै सदस्यमा आफ्नो उमेदवारी अगाडि सारेको जनाएका थिए ।

सदस्यका उमेदवार भट्टले साना व्यवसायीहरुको हकहितका साथै आम व्यवसायीहरुलाई समेत जोड्ने योजनाका साथ आफुले उमेदवारी अघि सारेको बताए । ‘हाम्रां जिल्लाभरीका साना व्यवसायी अझैपनि संघमा जोडिएका छैनन, ‘उनले भने, ‘कञ्चनपुरका साना व्यवसायीहरुको हकहितका लागि मैले काम गर्छु, त्यसकै लागि मैले उम्मेदवारी दिएको छु ।’

भट्टले आफ्ना एजेण्डा लिएर जिल्लामा व्यवसायीहरुसंग मत मागिरहेका छन् । उनले साना व्यवसायीहरुको हकहितका साथै संघको संस्थागत बृद्धि विकासका लागि काम गर्ने प्रतिज्ञा गरेका छन । भट्टले यस पटक साना व्यवसायीहरुसंग अवसरको मौका दिन आग्रह गर्दै व्यवसायीहरुको दिएको विश्वास र मतको कदर गर्ने प्रतिज्ञा राखेका छन् । सवै व्यवसायीहरुमा आफुलाई एउटा अमूल्य भोट दिएर सदस्य पदमा विजयी गराइदिन सबै व्यवसायीहरुमा उनले हार्दिक अपिल गरेका छन् । उनको १० नम्बर कोड रहेको छ ।