पप्पु गुरुङ्ग, दोधारा । कञ्चनपुरको दोधारा चाँदनी नगरपालिकाका नगर प्रमुख किशोर कुमार लिम्बुले प्रधानमन्त्री केपी शर्मा ओली संग भेट गरि बाढीले गरेको क्षती र तटबन्ध निमार्णको बारेमा छलफल गर्नुभएको छ् । प्रधानमन्त्री कार्यालयमा पुगेर दोधारा चाँदनी नगरपालिकाका नगर प्रमुख किशोर कुमार लिम्बुले नेकपा एमालेका अध्यक्ष तथा प्रधानमन्त्री केपी शर्मा ओली संग भेट गरि केही दिन अघि दोधारा चाँदनी नगरपालिकामा रेकर्ड ब्रेक’ गर्ने गरि आएको वर्षा संगै महाकाली नदी र जगबुडा नदीको बाढीले दोधारा चाँदनी नगरपालिकाको वडा नं. ३, ६, ७, ८, ९ र १० वडाहरु बढी प्रभावित बनाएको र बाढीको कारण नगर क्षेत्रको १ सय २ घर पुर्णरुपमा क्षतीको बिषयमा प्रधानमन्त्री जानकारी गराउनुभएको छ् ।
बाढीले दोधारा चाँदनी नगरपालिकामा झोलुङ्गे पुल, सडक, अन्नवालीमा ठुलो क्षती बनाएर नगर क्षेत्रको बिकासमा बाधा बनाएको जानकारी गराउदै महाकाली तटबन्धको उचाई होचो भएको र जगबुडा नदीको कारण उर्वरक खेतीयोग्य जग्गा सहित मानव बस्ती जग्गा कटानी गर्दै गएको हुदा तटबन्ध निमार्ण संगै बाढीले गरेको भौतिक क्षतीको पुनरनिमार्ण र पक्की तटबन्ध निमार्णको लागी बजेटको माँग गरिएको उहाँले बताउनुभएको छ् ।
बाढीपिडितहरुलाई संघ–संस्थाहरुले राहत दिदै आएको र स्थानिय सरकारले राहत तथा उनिहरुलाई क्षतीपुर्ती दिन सक्ने अवस्था नभएको हुदा राहत र क्षतीपुर्ती समेत माँग गरिएको बताईएको छ् । प्रधानमन्त्री ओलीलाई नगर प्रमुख लिम्बुले केही दिन अघि आएको बाढी, डुबानको तथ्यांक लिखितरुपमा बुझाउनु भएको छ् ।
यस्तै बाघको आक्रमणमा मृत्यु भएका हिरा शाहीको बारेमा समेत प्रधानमन्त्रीलाई अवगत गराउनुभएको नगर प्रमुख लिम्बुले बताउनुभएको छ् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
