नयाँ खबर
महेन्द्रनगर–कञ्चनपुर जिल्लाको प्रतिष्ठित सहकारी संस्था मेगा बचत तथा ऋिण सहकारी संस्थाले आफ्ना शेयर सदस्यहरुका लागि सहकारी शिक्षा र उत्प्रेरणात्मक कार्यक्रम सम्पन्न गरेको छ । शनिबार संस्थाले महेन्द्रनगरस्थीत ममताज पार्टिप्यालेसमा संस्थाका अध्यक्ष रघुनाथ ओझाको सभापतित्व तथा सहकारीका जेष्ठ तथा एकल महिला सदस्य पशुपति चन्दको प्रमुख आतिथ्यतामा उक्त कार्यक्रम सम्पन्न भएको हो ।
कार्यक्रमको समुद्धघाटन कार्यक्रमका प्रमुख अतिथि पशुपति चन्दले गर्नुभएको थियो । कार्यक्रमका प्रमुख अतिथि पशुपति चन्दले उत्प्रेरणात्मक कार्यक्रमले शेयर सदस्यहरुलाई आलस्यता, बोरपना लगायतका समस्यालाई हटाएर उर्जावान सदस्य बन्न प्रेरणा मिल्नुका साथै सदस्यहरुको मनोवल बढ्ने बताउनुभयो ।
कार्यक्रममा पख्यात मोटिभेसनल स्पिकर योगी नवराज छमले प्रशिक्षण गर्नुभएको थियो । कार्यक्रममा दाधारा, ब्रह्मदेव, दैजीसहित महेन्द्रनगर सेवाकेन्द्रका कर्मचारी, बचतकर्ता, शेयर सदस्य लगायत पाँच सयबढिको सहभागिता रहेको थियो ।
कार्यक्रमको सहजीकरण संस्थाका सचिव सुनिल सेठिले गर्नुभएको थियो । भने स्वागत मन्तव्य संस्थाका उपाध्यक्ष रविन्द्र धामीले राखेका थिए । सहकारीका अध्यक्ष रघुनाथ ओझाले संस्थाको तर्फबाट मोटिभेसनल स्पिकर योगी नवराज छमलाई मायाको चिनो प्रदान गरेका थिए । सहकारी सस्थाले शुक्रबार मात्रै धनगढीमा सदस्यहरुलाई शिक्षा तथा उत्प्रेरणामुलक कार्यक्रम आयोजना गरेको थियो ।
२०७१ मा २५ जना शेयर सदस्य र ५२ हजार शेयर पूँजीबाट स्थापना भएको सहकारी संस्थामा १८ हजारबढि शेयर सदस्य एवं ७ करोड शेयर पूँजी पुगेको छ । सहकारीले हाल ब्रम्हदेब, दैजी, दोधाराचाँदनी, बेलौरी र कैलालीको धनगढी सेवाकेन्द्रबाट आफ्नो सेवा प्रवाह गर्दै आएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
