मेगा बचत तथा ऋण सहकारी संस्थाको १२औ बार्षिक साधारण सभा सम्पन्न

महेन्द्रनगर–कञ्चनपुर जिल्लाको महेन्द्रनगरस्थित मेगा बचत तथा ऋण सहकारी संस्थाको १२औ साधारण सभा सम्पन्न भएको छ । विहीबार कञ्चपनुर उद्योग बाणिज्य संघको सभा हलमा सहकारीको महेन्द्रनगर सेवा केन्द्र र दैजी सेवा केन्द्रको सयुक्तरुपमा साधारण सभा सम्पन्न गरीएसंगै १२औ साधारण सभा सम्पन्न भएको हो । ६ वटा सेवा केन्द्रबाट सेवा प्रवाह गरीरहेको सहकारीले यस बर्ष ईकाईगतरुपमा साधारण सभा मनाएको छ । बुधबार ‘क’ ईकाई अन्तरगत बेलौरी, धनगढी सेवा केन्द्र तथा ‘ख’ केन्द्र अन्तरगत दोधारा चाँदनी, ब्रह्मदेव सेवा केन्द्रको साधारण सभा सम्पन्न गरेको सहकारीले बिहीबार ‘ग’ ईकाई अन्तरगत महेन्द्रनगर, देजी सेवा केन्द्रको बार्षिक साधारण सभा सम्पन्न गरको हो ।

विगत बर्षहरुमा धुमधामसंग सारधारण सभा गर्दै आएको सहकारीले यस बर्षभने सामान्यरुपमा कम खर्चिलो बनाएको छ ।

सहकारी संस्थाले १२ औ वार्षिक साधारण सभाकै अवसर पारेर महेन्द्रनगर सेवा केन्द्रअन्तरगत नियमिति उत्कृष्ठ बचतकर्ताकारुपमा विरेन्द्र चौधरी, उत्कृष्ठ बालबचतकर्ताकोरुपमा ऐसेवि भट्ट, उत्कृष्ठ ऋण कारोवार गर्ने सदस्यका रुपमा प्रकाश सिंह धामी, उत्कृष्ठ महिला बचत कर्ताको रुपमा रमा पार्की र क्षिक्षा क्षेत्रमा योगदान पु¥याउने शेयर सदस्य नरेन्द्र अवस्थीलाई पनि सम्मान पत्र प्रदानसंगै खादामाला टिका लगाएर सम्मान गरेको छ ।
त्यसैगरी दैजी सेवा केन्द्र अन्तरगत उत्कृष्ठ नियमित बचतकर्ता यज्ञराज अवस्थी, उत्कृष्ठ बालवचत गर्ने सदस्य काव्या पाण्डेय, उत्कृष्ठ नारी बतत गर्ने द्रोपती बोहरा, उत्कृष्ठ ऋण कारोवार गर्ने भरत राना र उत्कृष्ठ जेष्ठ नागरीक कृष्ण जोशीलाई सम्मान पत्र प्रदानसंगै खादामाला लगाएर सम्मान गरेको छ । भने लघुवित्त समुहको तर्फबाट केन्द्र नं ३ बनगाउलाई सम्मान गरीए छ ।
साधारण सभाबाट गत आर्थिक बर्षको स्वीकृत बजेट तथा कार्यक्रमको कार्यान्वयन पक्षको समीक्षा गर्दै चालु आर्थिक बर्षका लागि नया बजेट तथा कार्यक्रम स्वीकृत गरीनेछ ।

सहकारीका अध्यक्ष रघुनाथ ओझाको सभापतित्वमा सम्पन्न कार्यक्रममा प्रमुख अतिथि संस्थाका जेष्ठ नागरीक सदस्य केसव दत्त जोशी रहेका थिए । सभामा एकल महिला सदस्य पशुपति चन्द, सस्थाका उपाध्यक्ष रविन्द्र धामी, कोषाध्यक्ष महेश्वरी देवि जोशी, संञ्चालक सदस्य कान्तुराम पनेरु, दिपक प्रसाद भट्ट, सदस्य गोपाल चौधरी, कार्यकारी प्रमुख सनिल कुमार सेठी, प्रशासन प्रमुख डम्मर नाथ अतिथि रहेको महेन्द्रनगर सेवा केन्द्र प्रमुख जयदेव जोशीले बताए । उनका अनुसार महेन्द्रनगर र दैजी सेवा केन्द्रअन्तरगत ३ हजार ७४ जना बचतकर्ता रहेका छन् ।

अध्यक्ष ओझाले २०७१ मा ५२ हजार शेयरपुजिबाट २५ जना शेयर सदस्यले सुरु गरेको सहकारीको अहिले ७७ करोड शेयर पुजी रहेको उल्लेख गर्दै संस्थालाई समाजमा स्थापित गराउनमा सम्पूर्णको सहयोग, सद्भाव र अटल विश्वास रहेको बताए ।

झण्डै ७७ करोड सम्पत्ति रहेको सहकारीले गत आर्थिक बर्षमा ७८ लाख २३ हजार ६७७ रुपया खुद नाफा कमाएको अध्यक्ष ओझाले बताए । ७ करोड २६ लाख २२ हजार शेयर पुजी र ४ करोड ८० लाख २० हजार ६२ संस्थागत पुँजी रहेको सहकारीमा ७ हजार १२७ जनाको ४२ करोड ८३ लाख ७४ हजार ७०३ रुपया निक्षेप रहेको छ ।