कञ्चनपुर – महेन्द्रनगर जेसीजको आयोजनामा महेन्द्रनगरमा असोज ३ र ४ गते हुने नेपाल जेसीज क्षेत्र ‘घ’ सम्मेलनको लोगो सार्वजनिक गरीएको छ । महेन्द्रनगर जेसीजको आतिथ्यमा हुने सम्मेलनका लागि विहीबार जिल्ला समन्वयमा पत्रकार सम्मेलनको अयोजना गरी लोगो सार्वजनिक गरीएको हो ।
पत्रकारसम्मेलनमा प्रमुख अतिथि रहेका जिल्ला समन्वय समिति प्रमुख दुर्गादत्त बोहराले लोगो सार्वजनिक गरेका थिए । नेपाल जेसीस क्षेत्र घ सम्मेलन निर्देशक तथा महेन्द्रनगर जेसीज वर्ष २००६ का अध्यक्ष कृष्णप्रसाद पाठकको अध्यक्षतामा सार्वजनिक गरीएको लोगामा सुदूरपश्चिम प्रदेशका प्रमुख पर्यटकीय स्थल दार्चुलाको अपि, सैपाल हिमाल, दोधारा झोलुङ्गगे पुल, कर्णाली पुल, दुई वटा ब्राह्सिंगाको चित्र समावेश गरी निर्माण गरीएको छ । सुदूरपश्चिम प्रदेशको पर्यटनलाई टेवा पुगोस भन्ने उदेश्यले यहाका पर्यटकिय गन्तव्यहरुको चित्र समावेस गरी सम्मेलनको लोगो तयार गरीएको महेन्द्रनगर जेसीज अध्यक्ष राजेन्द्रप्रसाद अवस्थीले बताए । ‘सुदूरपश्चिम प्रदेशको पर्यापर्यटनलाई टेवा पु¥याउने उदेश्यले यहाका प्रसिद्ध पर्यटकिय स्थलहरू लोगोमा राखेकाछौ’ उनले भने ।
जिल्ला समन्वय समिति प्रमुख बोहराले सम्मेलनलाई पर्यटन, संस्कृति र परम्पराको प्रचार–प्रसारको उत्कृष्ट अवसरका रूपमा लिने बताए। ‘हाम्रो समृद्धिको आधार पर्यटन हो। दुई विशाल मित्रराष्ट्र नजिकै भएकाले पर्यटक भित्र्याउन सकिन्छ भने यस क्षेत्रको मात्र नभई देशकै समृद्धिमा टेवा पुग्छ,’ उनले भने ‘यस्तो अवसर गुमाउनु हुदैन भन्ने मेरो भनाई हो, सम्मेलनले हाम्रो ठाँउका पर्यटकिय स्थलहरुको भरपुर प्रचारप्रसार हुनेछ भन्ने आशा पनि लिएकाछौ।’
सम्मेलन निर्देशक पाठकले नारायणदेखि कञ्चनपुरसम्मका ५६ वटा शाखाका पाच सय बढि जेसीज सहित हजारौको सहभागिता रहने बताए । जेसिसको मात्रै हित नभई सुदूरपश्चिम क्षेत्रको पर्यटन प्रवद्धनमा समेत टेवा पुगोस भनेर नै अपि हिमाल, ब्राह्सिंगा, लगायतको चित्र समेटेर लोगो सार्वजनिक गरीएको पाठकले बताए । पत्रकार सम्मेलनमा स्वागत मन्तव्य महेन्द्रनगर जेसिसका महासचिव लक्ष्मण दत्त पन्तले राखेका थिए । पत्रकार सम्मेलनमा पुर्व अध्यक्ष धर्मानन्द खत्री, दिपकराज भट्ट, पवनचन्द्र लेखक, दिपकरजा जोशी र पत्रकार महासंघ कञ्चनपुरका अध्यक्ष सुरेश सिंह धामी अतिथि रहेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
