नयाँ खबर
महेन्द्रनगर – प्रेस चौतारी नेपाल कञ्चपनुर शाखाले प्रेस काउन्सिल नेपालका नव नियुक्त बोर्ड सदस्य निमा काफ्लेलाई एक कार्यक्रमका विच सम्मान तथा स्वागत गरेको छ । बुधबार प्रेस चौतारी नेपाल कञ्चनपुरका जिल्ला अध्यक्ष मदन गिरीको सभापतित्वमा आयोजना गरीएको कार्यक्रममा प्रेस काउन्सिल नेपालका नव नियुक्त बोर्ड सदस्य निमा काफ्लेलाई टिका खादा लगाएर सम्मान गरीएको हो । कार्यक्रममा आफ्ना ति दुखका क्षण सम्झिदै प्रेस काउन्सिल नेपालका बोड सदस्य निमा काफ्लेले एक पटक फेरी पनि पत्रकार आचारसंहिता पढ्न आग्रह गरेकी छन् । पत्रकारले पत्रकार आचारसंहिता पढेर पत्रकारी गरेको खण्डमा कुनै पनि पत्रकार समस्या नपर्ने उनले बताए ।
कार्यक्रममा काउन्सिल सदस्य काफ्ले आफू मोफसलबाट पत्रकारिता सुरु गरी मूलधारमा पुगेको र काउन्सिल सदस्यको हैसियताले उनले पत्रकारिता व्यवस्थित बनाउन भूमिका निर्वाहन गर्ने बताइन् ।
त्यसैगरी कार्यक्रममा नेकपा एमालेका कञ्चनपुरका उपाध्याक्ष एवं प्रचार विभाग प्रमुख जनकराज अवस्थीले पत्रकारहरुले सत्य तथ्य समाचार लेखेर सुसूचित गर्न पर्ने जिम्मेवारी इमान्दारिताका साथ पूरा गर्नु पर्ने बताएका छन् ।
उनले पत्रकारिताको धर्म बाहिर गएर हुने सूचना प्रवाहले अन्यौलको अवस्था देखिएको बताएका हुन् । ‘कुन समाचार सत्य हो, कुन भ्रामक हो, सही गलत हो छुट्याउन मुस्किल छ’ उनले भने ।
कार्यक्रममा नेपाल पत्रकार महासंघ कञ्चनपुरका अध्यक्ष सुरेश सिह धामी, प्रेस चौतारी नेपाल सुदूरपश्चिम प्रदेश कोषाध्यक्ष लक्ष्मण पन्त, प्रेस चौतार िनेपालका अग्रज नेता पत्रकार रनि विवश लगायतले बधाई तथा शुभकामना मन्तव्य राखेका थिए ।
चौतारीका जिल्ला अध्यक्ष मदन गिरीको अध्यक्षतामा गरेको कार्यक्रमको सञ्चालन सचिव धन बहादुर बोहरा(डिवी)ले गरेका थिए । कार्यक्रममा प्रेस चौतारी नेपाल कञ्चनपुरको कार्यसमितिका पदाधिकारी तथा सदस्यहरुको उपस्थीति रहेको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
