नयाँ खबर
महेन्द्रनगर–नेपाल पत्रकार महासङ्घ शाखा कञ्चनपुरले जिल्लाका विभिन्न स्थानीय तहमा संयोजक तोकेको छ । पत्रकार महासंघ कञ्चनपुर जिल्ला शाखाको सोमबार बसेको बैठकले जिल्लाका ९ मध्ये ८ पालिकामा संयोजक तोकेको हो । महासंघले स्थानीय तहसंग समन्वय र संस्थागत गतिविधिलाई प्रभावकारी बनाउने उद्देश्यले महासङ्घले पालिका संयोजक तोकेको महासंघका जिल्ला अध्यक्ष सुरेश सिंह धामीले जानकारी दिए ।
उनका अनुसार भीमदत्त नगरपालिकामा केशव भट्ट, दोधाराचाँदनी नगरपालिकामा सुरेश भट्ट, वेदकोट नगरपालिकामा सुजित रमेश सिनाल, शुक्लाफाँटा नगरपालिकामा दिनेश राज ओझा, बेलौरी नगरपालिकामा माधव पौडेल, पुनर्वास नगरपालिकामा धन बहादुर बिक, बेलडाँडी गाउँपालिकामा धन बहादुर महता (विकास) र लालझाडी गाउँपालिकामा भवानी भट्ट(भुवन) लाई संयोजकको जिम्मेवारी दिएको छ ।
कृष्णपुर नगरपालिकाको संयोजक तोक्न बाकि रहेको छ । पालिका संयोजक तोक्ने क्रममा बैठकमा उपस्थीत भएकालाई मात्रै जिम्मेवारी दिईएको थियो । तर धन बहादुर महता(विकास) बैठकमा उपस्थीती नभईकनै जिम्मेवारी दिईएकोमा अन्य कार्यसमिति सदस्यले प्रश्न उठाएका छन् ।
संयोजकहरूलाई जिम्मेवारी प्राप्त पालिकासँग समन्वय र सहकार्य गर्दै महासङ्घका संस्थागत कार्यक्रम सञ्चालनमा सहजीकरण गर्न, पालिका स्तरमा रहेका पत्रकारहरूको पेसागत हक, अधिकार र हितको पक्षमा क्रियाशील हुन, सरकारी तथा गैरसरकारी निकायसँग सहकार्य गरी पत्रकारितासँग सम्बन्धित गतिविधिमा सहयोग गर्न जिम्मेवारी दिइएको अध्यक्ष धामीले जानकारी दिनुभयो ।
नेपाल पत्रकार महासङ्घको विधान २०६० (पाँचौँ संशोधन २०७५) को परिच्छेद ५ को दफा २० को उपदफा १, २, ३ अनुसार पत्रकार महासंघ कञ्चनपुर शाखाले पालिका संयोजक तोकेको हो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
