नयाँ खबर
महेन्द्रनगर – शुक्लाफाँटा नगरपालिकामा नेपाल तरूण दलको नगर समिति गठन गरिएको छ। बिहिबार नेपाली कांग्रेसको भ्रातृ संगठनका रूपमा रहेको नेपाल तरूण दल नगर समिति नरेन्द्रबहादुर चन्दको अध्यक्षतामा गठन गरिएको हो । नगर समितिको उपाध्यक्षमा दिपेन्द्रबहादुर सिंह, सचिवमा करन सिंह ठगुन्ना, सहसचिवमा राजेन्द्रबहादुर ऐर, कोषाध्यक्षमा शान्ति लुहार र सदस्यमा रामसिंह राना सर्वसम्मत चयन भएका छन्। शुक्लाफाँटाको १२ वटै वडाको प्रतिनिधित्व हुने गरी सदस्यहरु थ्प गरेर १६ सदस्यीय नगर समिति बनाइनेछ । शुक्लाफाँटामा तरुण दललाई सक्रिय बनाउने अध्यक्ष चन्दले बताए। ‘अब सबै वडाहरुमा तरुण दल गठन गर्नेछौं,’ उनले भने, ‘नेपाल तरुण दल नगरभित्रका टोल–टोलमा पुग्नेछ।’
नेपाल तरुण दल कञ्चनपुरका अध्यक्ष महेश चन्दको अध्यक्षतामा भएको नगर समिति गठन कार्यक्रममा नेपाली कांग्रेस सुदूरपश्चिम कार्य समितिका सहमहान्त्री चिन्तामणी भट्ट प्रमुख अतिथि रहेका थिए। कार्यक्रममा बोल्दै जिल्ला अध्यक्ष महेश चन्दले कञ्चनपुरका हरेक नगर र वडामा तरूण दलको संगठन विस्तार गरिने बताए। ‘पार्टीले हामीलाई के दियो भन्दा हामीले पार्टीलाई के दियौँ भन्ने हिसाबले काम गर्नुपर्छ। काम ग¥यो भने फल पनि मिल्छ,’ उनले भने। समाज परिवर्तनका लागि तरूण दलले महत्वपूर्ण भूमिका खेल्दै आएको उनको भनाई छ। ‘गलतलाई हामी स्वीकार गर्दैनौँ, कमीकमजोरी भए सुधार गर्दै अघि बढ्छौं,’ उनले भने।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
