१
Advertisement
महेन्द्रनगर – जिल्ला प्रशासन कार्यालय कञ्चनपुरको गेटअगाडि अर्धनग्न प्रदर्शन गरीएको छ । बुधबार जिल्ला प्रशासन कार्यालय अगाडि आरक्ष पिडित जिल्ला संघर्ष समितिको अगुवाईमा जग्गा फिर्ताको माग माग राख्दै प्रदर्शन गरीएको हो ।
प्रदर्शनकारीले कम्मरभन्दा माथिको शरीरको लुगा खोलेर अर्धनग्न भएर प्रदर्शन गरेका हुन् । विगत लामो समयदेखि पटकपटक शान्तिपूर्ण आन्दोलन गर्दा पनि सरकारले आफ्ना कुरा नसुनेकाले अर्धनग्न प्रदर्शन गर्नुपरेको उनीहरुले बताए । अर्धनग्न प्रदर्शन गरेका उनीहरुले “हामीसँग गुमाउन केही बाँकी छैन”, “भूमि देऊ, अधिकार देऊ” जस्ता नारा लगाएका छन् ।
न्यूनतम १० कट्टा जमिन उपलब्ध गराउनुपर्ने, २४ वर्षको क्षतिपूर्ति दिनुपर्ने, शिक्षा र स्वास्थ्य सेवा निःशुल्क गर्नुपर्ने, तथा आफूहरूलाई द्वन्द्व पीडित सरह मान्यता दिनुपर्ने माग राख्दै आरक्षपिडित विगत लामोसमयदेखि आन्दोलन गर्दै आईरहेका छन् ।
शुक्लाफाटा आरक्ष विस्तारका क्रममा विस्थापित २४ सय परिवारहरू २४ बर्षदेखि पुर्नस्थापनाको पर्खाईमा रहेका छन् । सरकारले उनीहरुका समस्या समाधान गर्न २४ बर्षमा ३३ आयोग गठन गर्दापनि समस्या समाधान हुन सकेको छैन् ।
उनीहरुले अहिलेको सरकारले पनि समस्या समाधान नगरे कडा आन्दोलन गर्ने समेत चेतावनी दिएका छन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
