एमाले केन्द्रीय कमिटी सदस्यमा डेब्यु गर्ने तामाङको जमर्को

काठमाडौँ – काठमाडौँमा जारी नेकपा ९एमाले०को ११औँ राष्ट्रिय महाधिवेशनमा कञ्चनपुरका नेता तारा लामा तामाङले केन्द्रीय सदस्य पदका लागि उम्मेदवारी दर्ता गराएका छन्। उनले सोमबार सुदूरपश्चिम भूगोलको खुला केन्द्रीय सदस्य पदका लागि उम्मेदवारी दिएका हुन्।
विघटित प्रतिनिधिसभाका पूर्व सदस्यसमेत रहेका तामाङ केन्द्रीय कमिटीमा पहिलो पटक डेब्यु गर्ने तयारीमा छन्। कञ्चनपुर निर्वाचन क्षेत्र नं. १ बाट तत्कालीन नेकपा(माओवादी)की नेतृ बिना मगरलाई पराजित गर्दै संघीय संसदीय यात्रामा प्रवेश गरेका तामाङ पार्टीको संसदीय विभागका सदस्यसमेत रहिसकेका छन्।
राजनीतिमा २०४३ सालमा कक्षा ५ मा अध्ययनरत रहँदै प्रवेश गरेका तामाङ पार्टीका आधार कमिटि हुदैँ २०४७ मा अनेरास्ववियुको जिल्ला सदस्य बनेका थिए । त्यसपछि २०६६ मा एमाले कञ्चनपुरको जिल्ला सचिव र २०६९ देखि छ वर्षसम्म जिल्ला नेतृत्वको जिम्मेवारी सम्हालेका थिए।
२०५४ सालमा तत्कालीन कालिका गाविसको अध्यक्षमा निर्वाचित भएका तामाङले त्यसअघि र त्यसपछिका विभिन्न निर्वाचनमा पार्टीको चुनावी अभियानको कमाण्डसमेत सम्हालेका थिए। २०७४ सालमा कञ्चनपुर क्षेत्र नं। १ ९क० बाट प्रदेशसभा सदस्यमा निर्वाचित भएका उनी २०७८ सालमा सुदूरपश्चिम प्रदेश सरकारको आर्थिक मामिला मन्त्री बनेका थिए।

१६ वर्षे स्कुले जीवनदेखि नै संगठन निर्माण र पार्टी आन्दोलनमा सक्रिय तामाङसँग लामो राजनीतिक अनुभव रहेको छ। केन्द्रीय कमिटी सदस्यका लागि उम्मेदवारी दर्ता गरेपछि उनले महाधिवेशन प्रतिनिधिहरूलाई मतदानका लागि अपिल गरेका छन्। लामो अनुभव र संगठनप्रतिको प्रतिबद्धताका आधारमा पार्टीलाई अझ सशक्त बनाउन उम्मेदवारी दिएको उनले बताएका छन्।