नयाँ खबर
एमालेबाट दोस्रो पटक प्रतिनिधि सभा सदस्यको टिकट पाएका डा दिपक प्रकाश भट्टको २०२९ साल साउन २७ गते बैतडीको दशरथचन्द नगरपालिका–१, शाहीलेकमा महादेव र नन्दादेवी भट्टको कोखमा जन्मा भएको हो ।
अहिले डा भट्ट कञ्चनपुरको भीमदत्त नगरपालिका–६ मा स्थायी रूपमा बसोबास गर्दै आएका छन् । २०७४ को प्रतिनिधि सभा सदस्य निर्वाचनमा निर्वाचन क्षेत्र नं. ३ कञ्चनपुरबाट पुर्व गृहमन्त्री रमेश लेखकलाई पराजित गर्दै सांसदको यात्रा तय गरेका डा भट्टले दोधारा चादनीका स्थानीयको आवाज सांसदमा बुलन्द गरेका थिए । उनले महाकाली नदी, शुक्लाफाटा बन्यजन्तुबाट आजित स्थानीयका आवाज सांसदमा बोलेका थिए भने यहाका पर्यटकिय स्थल प्रबद्धन गर्न मजगाउ एयरपोर्ट निर्माण, गेटामा चिकत्सा विश्वविद्यालय स्थापनका लागि खेलेको भुमिका महत्वपूर्ण छ ।
लामो राजनीतिक अनुभव, उच्च शैक्षिक पृष्ठभूमि र नीतिगत स्पष्टता सहित शालीन तथा भद्र छविका भट्टलाई एमालेले पुनः कञ्चनपुर–३ बाट उम्मेदवार बनाएको छ । उनीसँग यो क्षेत्रमा नेपाली कांग्रेसले पूर्व जिल्ला सभापति हरिप्रसाद बोहरालाई उम्मेदवार बनाएको छ । यस्तै नेपाली कम्युनिष्ट पार्टीबाट मानबहादुर सुनार, राष्ट्रिय स्वतन्त्र पार्टीबाट ज्ञानेन्द्र महता तथा राप्रपाबाट पूर्णबहादुर चन्द चुनावी मैदानमा छन् ।
प्रतिनिधिसभा निर्वाचन २०७९ मा कञ्चनपुर–३ बाट कांग्रेस नेता रमेश लेखक विजयी भएका थिए । उनले ३० हजार ५७५ मत पाएका थिए । लेखकका निकटतम प्रतिद्वन्द्वी एमाले नेतृ निरुदेवी पालले १८ हजार ४८५ मत ल्याएकी थिइन् ।
अहिले रमेश लेखक र निरुदेवि पाल चुनावि मैदानमा छैनन् । रमेश लेखक र डा दिपक प्रकाश भट्ट मामपुसे दाजुभाई हुन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
