नरेन्द्र रावत स्मृति भलिबल प्रतियोगिता सम्पन्न, उपाधि भीमदत्तको वडा नं. एघारलाई

महेन्द्रनगर–रिङगौना खेलकुद सम्बद्र्धन तथा सरक्षण समितिले आयोजना गरेको स्व. नरेन्द्र रावत स्मृति भीमदत्त नगर वडा स्तरिय भलिबल प्रतियोगिता सम्पन्न भएको छ । प्रतियोगिताको उपाधि भीदमत्त नगरपालिकाको वडा नं. एघारले जितेको छ ।

शुक्रबार भएको फाईनल खेलमा भीनपा ११ले भीनपा १०(ए)लाई ३–२को सेटले हराउँदै उपाधी जितेको छ । वडा नं. ११ले उपाधि जितेसंगै नगद रु. ५१ हजारसहित ट्रफि मेडल र प्रमाण पत्र पाएको छ । त्यसैगरी उपबिजेतामा चित्त बुझाएको भीनपा १०(ए)ले २६ हजार ट्रफिर प्रमाण पत्र पाएको छ । त्यसैगरी तेस्रो भएको भीनपा ९(ए)ले नगद १५ हजार, ट्रफि, प्रमाण पत्र र मेडल प्राप्त गरेको छ ।
अल राउण्डर विवेक जोशी, वेष्ट लिप्टर विशाल तिरुवा, वेष्ट सर्भिस देवराज जोशी, बेष्ट ब्लकर शुनिल दमाई, वेष्ट डिफेन्सर लक्की तिरुवा, वेष्ट स्पाईकर भीम नाथ घोषित भएका छन ।
कार्यक्रममा नेपाल भलिबल संघका केन्द्रीय उपाध्यक्ष हरक सिह धामीले ग्रामिण सीमावर्ती भेगमा वडा स्तरकै प्रतियोगिताले भलिबलका खेलाडीलाई ठुलो अवसर मिलेको बताए ।
कार्यक्रममा मुख्य प्रायोजक सिद्धनाथ मन्दिर सरक्षण समितिका अध्यक्ष केशव सिह नायक, राष्ट्रिय रेफ्रि धौलत सिह पुजारा, सहायक रेफ्रि हिमालय विष्ट, निरज विक सहितका प्रतियोगितामा सहयोगी व्यक्ति संघ संस्थारुहरुलाई सम्मान गरिएको छ ।

रिङगौना खेलकुद सम्बद्र्धन तथा सरक्षण समितिका अध्यक्ष मानसिह रावतले ग्रामिण भेगको खेलकुद बृद्धि विकासका लागि प्रतियोगिता आयोजना गरिएको बताए । प्रतियोगितामा १० टिमले प्रतिस्पर्धा गरेका थिए । समापन कार्यक्रमको संञ्चालन भलिबल संघ कञ्चनपुरका सचिव उत्तम विष्टले गरेका थिए ।